1 योहान 2:5 - बारेली पावरी

⁵ पुन जू कुदु हेरा वचन पोर चाले, हिनाम छाचलीन परमेश्वरोन मोंग सिद्ध होयलु छे, इनासी आमु जानतला छे कि आमु होया छे.

1 योहान 2:5 Referans Kwoze

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

योहान 14:21

जेरे जुव मारी आग्या छे एने चू तीनुक मानतलु छे, चू मारे पोर मोंग कोरतेलु छे; एने जू मारे पोर मोंग कोरतेलू छे तीनाक मारू बास मोंग कोरसे, एने मे तिना पोर मोंग कोरिस एने मे आपना खुदो काजे तेरे सामने लाविस.

लुका 11:28

चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”

1 योहान 3:24

जू तेरा आग्या काजे पावतलु चू तेरेमा एने चू तीनामा बोनीन रोयतलु, एने इनामा मतलब तिना आत्मा जुव गोथो जो चू आमुक आपलु छे कि चू आमरेमा बोनीन रोयतलु.

प्रकाशित वाक्य 14:12

चुखला माणसोन धीर इनाम छे, जो परमेश्वरोन आग्याणु काजे मानतला एने येसु पोर भुरसू कोरतेला छे.

1 योहान 5:2

जेतार आमु परमेश्वर पोर मोंग कोरतेला छे एने तेरी आग्या काजे पावतेला छे, ती तीना जुव गोथो आमु जानतला छे कि आमु परमेश्वरोन पुऱ्या पोर मोंग कोरतेला.

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

1 योहान 4:18

मोंगोमा बिक नि रोयतला, नि तेत्यार सिद्ध मोंग बिक काजे नांबे कोर देदला छे; काहाकि भाशोन संबंध दोंडोसी होयतलो, एने जू बिक धोरतलु चू मोंगोमा सिद्ध नि होयू.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

याकुब 2:22

आखरी तू देख लेदू कि भुरसू तेरा कामो साते मेवीन प्रभाव नाखलु छे, एने कामो साते भुरसू पुरू होयु,

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

योहान 6:56

जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.

1 योहान 4:17

इनासी मोंग आमरेमा सिद्ध होये, कि आमुक नियावोन दाहळे हिंमत होय; काहाकि जोसू चू छे तोसोच जोगोमा आमु भी छे.

2 योहान 1:6

एने मोंग यो छे कि आमु तेरा आग्यान लारे चालू; जी चीच आग्या छे कि तुमु पेहेले गोथा सोमवी रोया, एने तुमु इनापोर चालनो बी जुवे.