1 योहान 2:27 - बारेली पावरी

²⁷ पुन तुमरु होयू अभिषेक जू हेरेनचा गोथो कोरलु होतु, तारेमा बोनी रोयतलु छे; एने तुसेक एरू गोरोज नि होय कि कुदू तुमुक सिकाळे नीती जोसो होयो अभिषेक जू हेरेनचा गोथू कोरलु गोयू तुमुक आखी वात सिकाळतला छे एने यो खोरलो छे एने झूट नि होय; एने जोसू होयू तुमुक सिकाळलु छे होसात तुमु हिनामा बोनला रोयतला छे.

1 योहान 2:27 Referans Kwoze

योहान 14:26

बाकीन मदतगार मतलब पवित्र आत्मा जीनाक बास मारे नावसी मुकलसे, चू तुमु काजे आखा वाते सिकाळसे, एने जो काहीन मी तुमु काजे कोयलु छे, चो आखो तुमु काजे फोम देवाळसे.”

1 कुरीन्थियो 2:13

जीनुक आमु माणसोन ग्यानोन सिकाळली वातोमा नी, बाकीन आत्मान सिकाळली वातोमा, आत्मिक वातोसी भेसकी भेसकीन सोमवाळतला छे.

योहान 16:13

बाकीन जेतार चू मतलब खोरलायीन आत्मा आवसे, ती तुमु काजे आखी खोरलायीन वाट देखाळसे, काहाकि चू तेरे जुव गोथू नि कोये बाकीन जो काय सोमोवसे चोत कोयसे, एने आवने वावा वाते तुमुक कोयसे.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

2 योहान 1:2

चो खोरलो, जो आमरेमा वातडा राखतेलो छे एने हमेशा आमरे साते रोये.

1 योहान 3:24

जू तेरा आग्या काजे पावतलु चू तेरेमा एने चू तीनामा बोनीन रोयतलु, एने इनामा मतलब तिना आत्मा जुव गोथो जो चू आमुक आपलु छे कि चू आमरेमा बोनीन रोयतलु.

1 योहान 2:28

हे पुऱ्या, येसुमा बोनला रोयु कि जेतार होयु प्रगट होये ती आमुक हियाव होये, एने आमु हेरे आवने पोर हेरे सामने लाजवाये नि.

1 पतरस 1:23

काहाकि तुमु नाशवान नि बाकीन अविनाशी बिजडासी, परमेश्वरोन जीवतला एने कायम रहनेवाला वचनोन लारे नवलू जन्मो जोळलो छे.

कुलुस्सि 2:6

आखरी जोसा तुमु येसु मसिह काजे प्रभू कोरीन मान लेदा तोसोत तीनामा चालता रोयू.

योहान 14:17

बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

इफिसीयो 4:21

बाकीन छाचलीन तुमु तेरो सोमव्या एने जोसो येसुमा खोरलो छे, तीनामा सिकाळला बी छे.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

1 तीमथी 2:7

मे खोरु कोयने बाज रोयू, झूट नी बुलतू, कि मे इना उद्देशोन प्रचारक एने प्रेषित एने दिसरा जातीन कोरता भुरसू एने खोरलान प्रचारक ठेरावतलु होतु.

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

योहान 6:45

भविष्य कोरतान लेखो मा यो लिखलो छे ‘चो आखो परमेश्वर जुव गोथो लिखाय गोयो होसे’ जो कुदु बासो जूव गोथो सोमव्या एने सीखला छे, चे मारे साते आवसे.

योहान 14:16

मे बासो काजे विनता कोरीस एने चू तुमुक एक ओवी मदतगार आपसे कि चू कायम तुमरे साते रोये.

1 कुरीन्थियो 2:12

बाकीन आमु जोगोन आत्मा नी, बाकीन ची आत्मा ली लेदला छे जी परमेश्वर भूनी गोथी छे कि आमु तिनी वातो काजे जानजे, जू परमेश्वर आमुक आपलु छे.

2 कुरीन्थियो 1:21

एने जे आमु तुमरे साते मसिहमा पाका कोरतेला छे, एने जे आमरू अभिषेक कोऱ्यु चू परमेश्वर छे,

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;