1 योहान 2:24 - बारेली पावरी

²⁴ जो काय तू पेहेलेन सोमवला छे चो होयू तारेमा बोनलु रोये ती तू बी पुऱ्यामा एने बासोमा बोनलु रोयीस.

1 योहान 2:24 Referans Kwoze

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

1 योहान 4:13

इनासी आमु उवेखतला कि आमु तेरेमा बोनला रोयतला, एने चू आमरेमा; काहाकि चू आपना आत्मामा गोथो आमुक आपलु छे.

1 योहान 4:16

जो मोंग परमेश्वर आमरेपोर कोरतेलु, तीनाक आमु उवखी लेदा एने आमुक तेरु भुरसू छे. परमेश्वर मोंग छे, एने चू मोंगोमा बोनीन रोयतलु, चू परमेश्वरमा बोनीन रोयतलु, एने परमेश्वर तिंदरेमा बोनीन रोयतलु.

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.

1 योहान 2:7

हे मोंगावा, मे तुमुक दिसरी नोवीन आग्या नि लिखतलु, पुन चीत जुनली आग्या जी पेहेले गोथू तुमुक जोळली छे, यी जुनली आग्या चो वचन छे जिनाक तुमु सोमवला छे.

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

योहान 15:7

ओगर तुमु मारेमा जूळायीन रोये एने मारो वचन तुमरेमा बोनीन रोये, ती जो जुवे मांगु एने चो तुमरेन कोरता होय जासे.

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

फिलिप्पि 4:15

हे फिलीप वावा तुमु खुदोक मालूम छे कि वारली खोबर प्रचारोन पेहेले जेतार मे मकीदुनीयामा गोथू गोयू, तेत्यार तुमु काजे छुळीन ओवी काहणी मंडवीमा लेन देनोन बारामा मारी मदत नी कोऱ्या.

3 योहान 1:3

काहाकि जेतार भाश आवीन तारा तीना खोरलान गोवायी आप्या, जिना पोर तु छाचलीन चालतलु छे, ती मे जुदु खुश होयू.

2 योहान 1:2

चो खोरलो, जो आमरेमा वातडा राखतेलो छे एने हमेशा आमरे साते रोये.

इब्रानियो 2:1

इना वजेसी जुवे कि आमु तीनु वातो पोर जो आमु सोमवला छे, ओवी बी मोन लागाळू, ओसो नी होये कि वोयीन तिनासी नांबे जात रोये.

योहान 8:25

चे तीना काजे कोया, “तू कून छे?” येसु तीनु काजे कोयू, “चू छे जू सूरवात मा गोथू तुमु काजे कोयतू आव रोयू.”

लुका 1:2

जोसा कि चे यो पेहेलेन इनी वातो काजे देखने वावा एने वचनोन चेला होता, आमरेनचा तोक पुगाळ्या.

लुका 9:44

“तुमु इना वातो पोर कानटा लागाळू काहाकि माणसोन पुऱ्यु माणसोन हाते धोरवायने वावू छे.”

योहान 6:56

जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.

1 योहान 3:24

जू तेरा आग्या काजे पावतलु चू तेरेमा एने चू तीनामा बोनीन रोयतलु, एने इनामा मतलब तिना आत्मा जुव गोथो जो चू आमुक आपलु छे कि चू आमरेमा बोनीन रोयतलु.

1 योहान 4:15

जो कुदू यो मान लेतलु छे कि येसु परमेश्वरोन पुऱ्यो छे, परमेश्वर तिंदरेमा बोनीन रोयतलु, एने चू परमेश्वरमा.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.