1 कुरीन्थियो 13:3 - बारेली पावरी

³ ओगर मे मारो आखो धोन गोरीबो काजे खावाळ दिस, नीती मारो डील आगठो धोपाळनेन कोरता आपदिस, एने मोंग नी कोरो, ती मेसेक काहीबी फायदु नी होय.

1 कुरीन्थियो 13:3 Referans Kwoze

योहान 15:13

एरे गोथो मोटो मोंग कुदान नि होय कि कुदू आपना दुस्तीदारोन कोरता आपनु जीव आपे.

मत्ती 23:5

चे आपना आखा काम माणसो काजे देखाळनेण कोरता कोरतेला चे आपना मोर्जीपोद काजे मोटा कोरतेला एने आपना छिंदरान कुरे वोदाळता होता.

गलातियों 5:26

आपनु घोमंडी होयीन एक दिसरा काजे मा छेळू एने एक दिसरा पोर रीस मा कोरु.

लुका 18:28

पतरस कोयू, देख आमु ते घोर बार छुळीन आवला छे.”

इब्रानियो 13:9

भाती भातीन भुंडली शिक्षा सी घाबरायता झुनी काहाकि मोनोन मोंगसी मजबूत रोयनो वारू छे नी कि चोळावलो खाणो चीजोसी जीनु काजे तेरेसी काहीन लाभ नी होयो तीनुसी छेटा रोयु.

1 तीमथी 4:8

काहाकि डीलन तीयारी सी कोम फायदु होयतलु छे, पुन भोक्ती आखा वातोन कोरता फायदान छे, काहाकि इने टेमोन एने आवने वावा जीवनोन बी वायदू इनान कोरता छे.

योहान 12:43

काहाकि माणसो भूनी गोथी गोवायी तीनु काजे परमेश्वर भूनी गोथी बोढाईन आस जादा मोंगावी लागती होती.

लुका 18:22

यो सोमवीन येसु तीना काजे कोयू, “तारेमा हिमी बी एक वातोन कोमी छे, आपनो आखो काय वेचीन गोरीब काजे वाट दे, एने तुसेक सोरगोम धोन जूळसे एने आवीन मारे पोछोव.”

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

योहान 13:37

पतरस तीना काजे कोयू, “हे प्रभू, मे हिमी तारे पोछोव कानली आव सोकतेलु? मे ते तारेन कोरता आपनु जीव बी आपदिस.”

योहान 6:63

आत्मा ते जीवन छे, डीलोसी काय फायदु नि होय; जी वात मे तुमु काजे कोयलु छे ची आत्मा छे, एने जीवन बी छे.

लुका 19:8

जक्कय उबरोयीन येसु काजे कोयू, हे प्रभू, देख, मे मारो आदो धोन गोरीब काजे आप दोम, एने कुदान लुचळाय कोरीन लेदलु होय ती तीना काजे चार गुणा आप दोम.

फिलिप्पि 2:3

विरोध नीती झुटी बोढाईन कोरता काय मा कोरु, बाकीन एक दिसरा काजे आपनेसी वारू सोमजू.