Marku 8:33 - Bible Fulfulde Bénin New Testament

³³ O yeeƴitii, o daari aahiiɓe makko, o falmi Piyer, o wi'i: «Woɗɗam an *Seyɗan! Gam miilooji maa ƴiway to Alla, to himɓe ɗi ƴiwi.»

Marku 8:33 Referans Kwoze

Matiye 4:10

Yeesu toontii mo, wi'i: «Dillu diga ɗon, an *Ibiliisa, gam e winnii der dewtere: ‟Sujidan Alla Joomiraawo maaɗa, kanko tan teddintaa!”»

Yuhaana Aranol 2:15

To on jiɗee duuniyaaru e ko woni e mayru fu. Gam jiɗɗo kujje duuniyaaru, yidde *Baaba walaa e mum.

Filippi 3:19

heennyitirde maɓɓe laatoto halkere, deeɗi maɓɓe laatii tooruuje maɓɓe, ɓee juroro ko waddanta ɓe senteene, huune duuniyaaru tan ɓe miijanto.

Kollitinki 3:19

Himɓe ɓe jiɗumi, mi felan ɓe, mii fooɗa noppi maɓɓe. Gam majjum, tinna tuubaa!

Piyer Aranol 4:1

*Almasiihu yarii bone der ɓannu muuɗum, onon bo goodee iri miilooji ɗin. Jaruɗo bone der ɓannu muuɗum seedi e hakke.

Timote Aranol 5:20

Waɗooɓe hakke, felu ɗum yeeso himɓe fu, gam heɓa horiiɓe hula.

Korintu Aranol 5:5

gattee neɗɗo on der juuɗe Seyɗan, gam suunooji ɓannu makko halka, amma yonki makko hisa der nyalaane garki Joomiraawo.

Luka 22:61

Joomiraawo yeeƴitii daari Piyer, den Piyer siwtori ka Joomiraawo batunoo ɗum: «Go jakaraari joga hanne, a wi'an de tati a annaa am.»

Marku 3:34

O daari jooɗiiɓe e howii mo, o wi'i: «Inna am e miiraaɓe am nani.

Marku 3:5

Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Foortu junŋo maa!» O foorti ŋo, ŋo yanɗiti.

Matiye 15:23

Amma o toontaaki mo gokka. Ko aahiiɓe makko wi'i mo: «Riiwu mo, gam o accay halɓugo, oo tokkiri en.»

Titus 1:13

O batii gooŋa. Gam majjum, felu ɓe e semme, gam ɓe keɓa goonɗinki geeti.

Luka 9:55

Yeesu yeeƴitii far to maɓɓe wooltani ɓe e semme!

Luka 4:8

Yeesu toonti mo wi'i: «E winnaa der dewtere: ‟Alla Joomiraawo maaɗa tan cujidantaa, kanko feere makko tan caafataa.”»

Matiye 16:23

Yeesu yeeƴitii, wi'i Piyer: «An *Seyɗan, wittu ɓaawo am! A laati nun ko doƴƴatammi. Miilooji maa ƴiway to Alla, to himɓe ɗi ƴiwi!»