Marku 7:15 - Bible Fulfulde Bénin New Testament

¹⁵ Walaa goɗɗum ko naatata der neɗɗo soɓina mo, amma huune ko wurtoto diga der neɗɗo, kanjum soɓinta mo.

Marku 7:15 Referans Kwoze

Titus 1:15

Huune fu e laaɓi to laaɓuɓe. Amma walaa ko laaɓi, to soɓuɓe e ɓe goonɗinay, gam hakkillo maɓɓe e cuuɗiiɗum ɓerne maɓɓe fu soɓii.

Iburaninkeeɓe 13:9

To on accee ekkitinooje janane iri ɗey fu fooɗa on. Ko haani woni, moƴƴere Alla semmiɗa der ɓerɗe mooɗon, hinaa sariyaaji dow nyaamduuji. Tokkuɓe sariyaaji ɗii ɗon, ɗi nafay ɗum goɗɗum.

Iburaninkeeɓe 9:10

Sariyaaji ɗii ɗon laati nun ɗi ɓannu. Ɗii batana haala nyaamdu, e jaram, e lootuki feere feere. Sariyaaji ɗii nafii faa wakkati de Alla wayliti ɗi.

Matiye 12:34

Ɓiɓɓe bolle pure! Noy baawirton batugo booɗuka, onon laatiiɓe halluɓe? Gam ko hebbi der ɓerne, kan nun hunnuko wurtinta.

Roma 14:17

Gam *Laamaare Alla laataaki gam nyaamɗe e jarɗe, amma ne laati nun foonnitaare, e jam, e seyo ɗum *Ruuhu Ceniiɗo hokkata.

Korintu Aranol 10:25

Ko sippetee der luumo fu, on baawan ko nyaami ɗum, to on daartee annugo to ɗum ƴiwi, gam ɓerɗe mon e gaccoo on.

Golle Lilaaɓe 10:28

O wi'i ɓe: «Oon anni laawol hokkay *Yahuduujo tokkontira mo laataaki Yahuduujo, naa bo naatugo suudu muuɗum. Amma Alla hollii am to mi daaru goɗɗo tuunuɗo naa bo karmuɗo.

Matiye 15:16

Yeesu wi'i mo: «Onon bo, faa jooni on galaa faamu na?

Marku 7:14

Ɓaawo majjum, Yeesu nodditii jama'aare, wi'i ɓe: «Kettinanee am on fu, paamon:

Marku 7:16

Gooduɗo noppi gam nana fu sey nana.»