Marku 5:15 - Bible Fulfulde Bénin New Testament

¹⁵ No ɓe gari to Yeesu, ɓe ji'i ginnaajiijo on e jooɗii e ɓornii gineeji, hakkillo mum e fukkii, go kulol nanŋi ɓe.

Marku 5:15 Referans Kwoze

Koloosi 1:13

Kanko teeti en e baawɗe niwre, naanni en der *Laamaare Ɓiyiiko jiɗaaɗo.

Timote Ɗiɗaɓol 1:7

Gam *Ruuhu ŋu Alla hokki en, laatintaa en hulooɓe. Amma Ruuhu kokkoowo en semme, e yidde, e nantaare o hokki en.

Luka 8:27

No Yeesu jippii e leydi, ɗon gorko gom jeyaaɗo der genni nin, mo ginnaaji ɗuuɗɗi woni e mum, wari fotti e makko. Diga ko ɓooyi, o ɓornataako gineeji, o wonataako der suudu bo, amma caka caabeeje o tawaa.

Marku 5:9

Yeesu ƴami mo, wi'i: «Noy bi'eteɗaa?» O toontii, o wi'i: «Min wi'etee ‟ujuneeje”, gam emen ɗuuɗi.»

Luka 10:39

Oo woodi miiraawo bi'eteeɗo Mariyama, o wari oo jooɗii ley koyɗe Joomiraawo, oo hettinii haala makko.

Marku 5:18

No o naatata laana diyam, ginnaajiijo on eeli mo gam tokka mo.

Marku 5:16

Tawaaɓe ɗon ko ɗum waɗii, fillanii ɓe ko tawi ginnaajiijo on e afaaji ɗin.

Marku 5:4

De ɗuuɗɗum o tonŋano e callaluuji, amma o taƴi ɗi, o helti leɗɗe ɗe o gadoranoo. Walaa baawɗo ko haggi mo e semme.

Matiye 12:29

Naa moy waawata ko naati wuro gorko semmenteejo, teeta jawdi makko, to o haɓɓay joomum taw. Amma to o haɓɓii mo, o waawan ko wuuwi ko woni der wuro ŋon fu.

Matiye 4:24

Habaru makko sankitii der leydi Siriya fu. Ɓee gaddana mo nyawɓe nyawuuji feere feere, hande ɓe ginnaaji toorata, e yanooɓe paɗɗe, e moofiɗinɓe, o nyawti ɓe.

Matiye 9:33

O riiwi ginnool ŋol, muumo on yanti e bata. Jama'aare fu haayɗinii, e wi'a: «Iri ɗum ɗo meeɗay ko yi'aa der Isira'iila!»

Matiye 26:53

Aa miili mi waawataa ko noddi *Baaba am lildanaanmi ko ɓuri *malaykaaɓe konunkeeɓe ukke sappo e ɗiɗi ɗon maa ɗon na?

Marku 5:14

Den durooɓe doggi batoy der siire e gureeje mum. Himɓe wurtoy daarugo ko waɗi.