Marku 4:26 - Bible Fulfulde Bénin New Testament

²⁶ O wi'i ɓe kade: «*Laamaare Alla nandi e goɗɗo aawuɗo awdi e gesa mum,

Marku 4:26 Referans Kwoze

Matiye 13:24

Yeesu waɗani ɓe kade ballool gonŋol, wi'i: «*Laamaare Alla e nandi e gorko aawuɗo awdiiri geeri e gesa mum.

Luka 8:11

«Nani ko ballool ŋol fillitii: Awdiiri nin, haala Alla nun.

Luka 8:5

«Aawoowo gom nun wurtii gam aawa awdiiri mum. No o aawata, gonni saami sera laawol, ni yaaɓaa, colli nyaami ni.

Yaakuuba 3:18

Yiɗuɓe jam e aawa jam, to ɓe jahi fu foonnitaare ɓe ruggata.

Yuhaana 12:24

Mii bata on e gooŋa: ɓinŋel gawri aawaaŋel, to ŋel nyolay, ŋel wonan nun ɓinŋel gootel. Amma to ŋel nyoli, ŋel rimaan faa ɗuuɗa.

Luka 13:18

Yeesu wi'i: «Ume nun *Laamaare Alla nandi? Ume baawanmi ko nanditiri ne?

Matiye 13:33

O waɗani ɓe ballool gonŋol, o wi'i: «*Laamaare Alla e nandi e ƴuufinirɗum, ɗum debbo etti hawrontiri e conni etorɗe tati, ko ni ƴuufini conni laawaani nin fu.»

Matiye 13:31

Yeesu waɗani ɓe ballool gonŋol, wi'i: «*Laamaare Alla e nandi e ɓinŋel mutaadihi, ŋel goɗɗo etti aawi der gesa mum.

Matiye 13:11

O toontii ɓe, o wi'i: «Onon, on kokkaama faamugo asiiri *Laamaare Alla, amma kamɓe, ɓe keɓay ɗum.

Matiye 13:3

O bati ɓe kujje ɗuuɗɗe e ballaaji. O wi'i ɓe: «Aawoowo nun wurtii aawoygo.

Matiye 4:17

Diga wakkati majjum, Yeesu fuɗɗi waajaago e wi'a: «Tuubee, gam *Laamaare Alla ɓattike.»

Matiye 3:2

«Tuubee, gam *Laamaare Alla faanake .»

Marku 4:25

Gam gooduɗo fu ɓeydante, amma mo woodaa, baa seɗɗa ko o woodi teetete.»

Marku 4:27

Oo ɗaani, naa bo oo fini jemma e nyalooma, awdi nin fuɗan, mawna, joomum annataa no ni mawnirta.