Marku 4:15 - Bible Fulfulde Bénin New Testament

¹⁵ Himɓe woɓɓe e nandi e laawol to haala kan yani: Ɓe nanan ka, den ɗon maa ɗon *Seyɗan wara, ikkina haala aawaaka e maɓɓe.

Marku 4:15 Referans Kwoze

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Matiye 13:19

To neɗɗo e hettinoo haala *Laamaare Alla, go o faamataa ka, Kalluɗo nun suttata ka der ɓerne makko. Kanko nandi e awdiiri caamuni sera laawol.

Korintu ɗiɗaɓol 2:11

heɓa to *Seyɗan jaaloo en, gam een anni dabareeji makko no wooɗi.

Luka 8:12

Sera laawol to awdiiri nin saami e nandi hande hettiniiɓe haala Alla. To ɓe nanii ka, Seyɗan wara sutta ka der ɓerɗe maɓɓe gam to ɓe goonɗin, hakko ɓe kisa.

Marku 4:4

De o sankata awdi makko, awdi gonni yani e laawol. Pooli wari soppi ni.

Golle Lilaaɓe 5:3

Piyer wi'i mo: «Ananiyas, ko waɗi accuɗaa *Seyɗan naati e ɓerne maa faa pewanɗaa *Ruuhu Ceniiɗo, cuuɗuɗaa ceede leydi nin goɗɗe mum?

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.

Kollitinki 20:7

To duuɓi ujuneere hebbii, *Seyɗan yoofete, wurtoo e kasu mum.

Iburaninkeeɓe 2:1

Gam majjum, e haani kakkilanen puy ko nanuɗen, gam to en boɗɗodee laawol.

Tesalonika Ɗiɗaɓol 2:9

Neɗɗo kalluɗo on waridan e baawɗe *Seyɗan, o waɗan kaayeefiiji, e maaneeji, e kaayeefiiji fewrekuuji.

Matiye 22:5

Amma noddinaaɓe yeebii noddoore nen, hiinnii haajuuji mum. Oo ɗo yawtiri gesa mum, oo to bo yawtiri daartiiru mum.

Kollitinki 12:9

Kuuŋa manŋa ŋan wurtinaama yaasi. Kanŋa woni boddi nayeeri, bi'eteeni *Ibiliisa e *Seyɗan, jarbotooɗo duuniyaaru fu. O faɗɗaama e leydi, e malaykaaɓe makko fu.

Matiye 4:10

Yeesu toontii mo, wi'i: «Dillu diga ɗon, an *Ibiliisa, gam e winnii der dewtere: ‟Sujidan Alla Joomiraawo maaɗa, kanko tan teddintaa!”»

Iburaninkeeɓe 12:16

Kakkilee gam to goɗɗo mooɗon laatoo jeenoowo, ɗum bo jawiiɗo kujje ceniiɗe hande no Isuwa sippiri afaaku mum gam nyaama de woore tan.

Golle Lilaaɓe 17:32

No ɓe nani Pol e waajoo haala pintol maayɓe, woɓɓe e jaanca mo, woɓɓe e wi'a: «Men kettinante dow haala kan nyalaane wonne.»

Marku 4:14

Aawoowo on haala Alla nun aawata.

Marku 4:16

Woɓɓe e nandi e kaaƴe to awdi yani. Ɓe nanan haala kan, ɓe jaɓa ka law e belɗum ɓerne.