Marku 14:6 - Bible Fulfulde Bénin New Testament

⁶ Amma Yeesu wi'i ɓe: «Accee mo! Ume o waɗi ko oon booltana mo? Ko o waɗani am e wooɗi.

Marku 14:6 Referans Kwoze

Iburaninkeeɓe 13:21

Alla on hokka on baawɗe waɗugo booɗɗum feere feere fu, heɓa kebbinon ko o yiɗi. O waɗa der men ko fottani mo, diga e Yeesu *Almasiihu mo tedduŋal laatanii faa e baade! Aami!

Iburaninkeeɓe 10:24

En ballontiree gam kolliten yidde hakkune men, gaɗen bo golle booɗuɗe.

Titus 3:14

E haani himɓe meeɗen bo ekkitoo waɗugo golle booɗɗe. Ɓe balla haajaaɓe walleego gam to kamɓe wallooɓe ɓen ɓe gonoo baanji.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Timote Ɗiɗaɓol 2:21

To goɗɗo laaɓinii hoore mum e kujje ɗee fu, joomum laatoto hande heeɗo gollirteeŋo golle tedduɗe. O laatoto, cenaaɗo, nafoowo joomum, ciriyiiɗo waɗugo golle booɗɗe fu.

Efesu 2:10

Alla nun waɗi en, kanko tagi en diga e kawtal men e Yeesu Almasiihu, gam golle booɗɗe. Golle booɗɗe ɗen, Alla siriyake ɗe diga aran gam gaɗen ɗe.

Golle Lilaaɓe 9:36

Der siire Yoppe, e woodunoo debbo goonɗinɗo bi'eteeɗo Tabita. (E yunaninkeere ɗum wi'ay maa Dorkas, waato Taakawre.) Oo waɗa golleeji ɗuuɗɗi booɗɗi, oo walla talakaaɓe sanne.

Matiye 26:10

Yeesu faanti ko ɓe batannoo, wi'i ɓe: «Gam ume ko oon toora debbo on? O waɗanii am golle booɗɗe.

Titus 3:8

Kanka woni haala kooliniika. Mii yiɗi tasinaa ka, gam goonɗinɓe Alla tinnoo waɗugo golle booɗɗe. Kanjum woni ko wooɗi, ko nafata himɓe.

Titus 2:7

An e hoore maa, laatana ɓe misaalu der golle booɗɗe fu. Ekkitin ɓe ekkitinol gooŋawol, e pottuŋol.

Timote Ɗiɗaɓol 3:17

Nunnun neɗɗo Alla fu laatortoo kebbuɗo, ciriyiiɗo waɗugo golle geete.

Timote Aranol 6:18

Batu ɓe ɓe gaɗa ko wooɗi. Waɗugo geetum laatoo jawdi maɓɓe. Ɓe laatoo hokkitirooɓe, siriyiiɓe wallugo woɓɓe e jawdi maɓɓe.

Timote Aranol 5:10

O laatoo anniraaɗo waɗugo ko wooɗi, hande jon: ummingo sukaaɓe mum hande no haani, oo laatii bernuɗo hoɓɓe, e lootuɗo koyɗe goonɗinɓe, e balluɗo toorotooɓe. Laatoo bo o waɗii gaɗuuji geeti ɗuuɗɗi.

Tesalonika Ɗiɗaɓol 2:17

Ɓe deƴƴitina ɓerɗe mooɗon, ɓe tiiɗina on waɗugo, e batugo ko wooɗi.

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Korintu ɗiɗaɓol 10:18

Gam hinaa manoowo hoore mum woni jaɓaaɗo, amma mo Joomiraawo mani.

Korintu ɗiɗaɓol 9:8

Alla e woodi baawɗe ɗuuɗinango on moƴƴe feere feere, gam goodon wakkati fu ko bukaɗon faa horoo, gaɗiron golle geete fu,

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Marku 14:5

Ɗam waaweteno ko sippaa ko ɓuri ceede cardi keme tati, ceede ɗen hokkee talakaaɓe!» Ɓe darii ɓee booltana debbo on.

Marku 14:7

Gam talakaaɓe e wondi e mooɗon baadey fu, de jiɗuɗon fu on baawan ko waɗani ɓe moƴƴere, min kan, mi wondataa e mooɗon baadey fu.