Marku 13:27 - Bible Fulfulde Bénin New Testament

²⁷ O lilan malaykaaɓe makko ɓe kawrita suɓaaɓe makko fu diga gooraaje leydi naay, diga haggoode duuniyaaru, faa haggoode kammu .»

Marku 13:27 Referans Kwoze

Matiye 24:31

Walaldu mawnu fuurete. O lilan malaykaaɓe makko der gooraaje leydi naay, lettugal e gorgal, soɓɓiire e hoore fuɗo, gam hawritingo suɓaaɓe makko wonuɓe der duuniyaaru fu.

Tesalonika Ɗiɗaɓol 2:1

Banniraaɓe, dow garki Joomiraawo meeɗen Yeesu *Almasiihu, e no kawritirteɗen e makko, nani ɗo ko men eelata on:

Luka 16:22

Talakaajo on maayi go malaykaaɓe yaari mo to Iburahiima. Jom jawdiijo bo maayi, go uwaa.

Marku 13:20

To Joomiraawo ɓuytayno nyalaaɗe ɗen, baa goɗɗo daɗataano, amma sabbu suɓaaɓe makko, o ɓuytii ɗe.

Matiye 13:41

*Ɓii neɗɗo lilan malaykaaɓe mum, wurtina doƴƴooɓe himɓe der hakke, e waɗooɓe ko halli der laamaare mum.

Piyer Aranol 1:2

Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Koloosi 3:12

Alla suɓii on laatini on himɓe mum yiɗaaɓe. Gam majjum, goodee yurmeene mawne, e neɗɗaaku, e ɓuytugo hoore, e ɗiggere, e munyal.

Roma 8:33

Moy nun gaccoto ɓe Alla suɓi? Walaa! Gam Alla nun laatinta ɓe foonnitiiɓe!

Yuhaana 11:52

Leydi nin tan bane haani o maayana, amma gam o hawrita ɓiɓɓe Alla sankitiiɓe fu laatoo jama'aare woore.

Yuhaana 10:16

Mii woodi kade baali goɗɗi ɗi galaa der hoggo ŋo. Ɗii ɗon bo haani mi dura ɗum. Ɗi nanan daane am, ɗi laatoo darne woore, ɗi gooda duroowo gooto.

Luka 18:7

Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na?

Marku 13:22

Gam almasiihuuɓe fewrekuuɓe e annabiiɓe fewrekuuɓe waran, ɓe gaɗa kaayeefiiji e haaynaareeji, ɓe majjina baa e suɓaaɓe, to ɓe baawi.

Matiye 24:24

Gam almasiihuuɓe e annabiiɓe fewrekuuɓe waraan. Ɓe gaɗan kaayeefiiji mawɗi, e haaynaareeji ɗuuɗɗi, gam ɓe majjina baa e suɓaaɓe, to waɗoto.

Matiye 24:22

To nyalaaɗe ɗen ɓuytaakano juutugo, goɗɗo hisataano. Amma Alla ɓuytii ɗe sabbu suɓaaɓe mum.

Matiye 13:49

Hande non ɗum laatotoo nyaanne duuniyaaru timmata. *Malaykaaɓe waran suttontira halluɓe e wooɗuɓe.

Matiye 12:42

Nyalaane darŋal, laamiiɗo debbo mo leydi hoore fuɗo ummodoto e himɓe jaamanuuru nuu ɗo, gaccoo ɓe. Gam o ƴiwoy diga kaddin leydi, o wari hettinaago haalaaji Suleymaanu kebbuɗi hakkillo. Nani bo, ɓuruɗo Suleymaanu nun woni ɗo!»

Marku 13:28

«Paamee ko ibbi ekkitinta. To licce makki e wilita e waɗa haakooji, oon anni seetto faanake.