Marku 12:37 - Bible Fulfulde Bénin New Testament

³⁷ To Dawda e hoore mum noddii mo Joomiraawo: Den, noy Almasiihu laatortoo ɓiyiiko? Jama'aare ɗuunne hettinake haala Yeesu e belɗum ɓerne.

Marku 12:37 Referans Kwoze

Kollitinki 22:16

Min Yeesu, mi lilii malaykaajo am, o seedoo kujje ɗe der eklesiyaaji. Min woni mo lenyol Dawda, e taaniiko, min woni hoodere fajiri jalboore!

Yaakuuba 2:5

Banniraaɓe am yiɗaaɓe, kettinee! Alla bane suɓi ɓe duuniyaaru daari talakaaɓe gam o hokka ɓe jawdi gooŋaari der goonɗinki, ɓe naata *Laamaare Alla ŋu o haɓɓani yiɗuɓe mo alkawru na?

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Roma 9:5

Kamɓe laatii ƴiwuɓe diga e kaakiraaɓe amen. Almasiihu bo ƴiwii e lenyol ŋol. Kanko woni Alla jintuɗo huune fu, yettoore laatanoo mo faa abada. Aami!

Yuhaana 12:9

Jama'aare *Yahuduuɓe ɗuunne nanani Yeesu Baytaniya. Gam Yeesu tan bane ɓe gari, amma gam ɓe ji'a Lasar pintinaaɗo bo.

Luka 21:38

Go himɓe fu e dawaa e wara to makko der suudu Alla, e hettinanii mo.

Luka 19:48

Amma ɓe annaa no ɓe gaɗirta ɗum, gam himɓe fu e hettinanii mo e hakkillo.

Matiye 21:46

Ɓee daarta laabi no ɓe nanŋirta mo, amma ɓee kula himɓe, gam himɓe fu e daari mo annabiijo.

Matiye 11:25

Wakkati mum, Yeesu etti haala wi'i: «*Mii yettee *Baaba, Joomiraawo mo dow, e mo leydi. A suuɗii wooduɓe annal e hakkillo kujje ɗee, ko kollitinɗaa ɗe sukahon petton.

Matiye 11:5

wumuɓe e wunta, moofiɗinɓe e yaha, sesseɓɓe e nyawtee, pahiɗinɓe e nana, maayɓe e finta, talakaaɓe bo e waajee habaru *Laamaare Alla.

Matiye 1:23

«Gatol ŋol annaa gorko saawan, rima ɓiɗɗo gorko, o wi'ete Emmanuwel .» Maana inne nen woni: «Alla e wondi e meeɗen.»

Matiye 21:45

No hooreeɓe *limaamiiɓe e *Farisaaɓe nani ka, ɓe paami kamɓe nun Yeesu waɗani ballaaji ɗii.