Marku 12:1 - Bible Fulfulde Bénin New Testament

¹ Ɓaawo mum Yeesu fuɗɗi baddugo e maɓɓe e ballaaji, o wi'i: «Neɗɗo gom nun aawi gesa *innabooje mum, o fiiltini ka kowaagol, o wasi gayka ɓiɗɗirka innabooje, o mahi suudu towkol, deenirkol. Ɓaawo mun, o reenini ka woɓɓe, o waɗi jahaaŋal.

Marku 12:1 Referans Kwoze

Marku 13:34

Ɗum nandi e gorko gom burtiiɗo wuro mum, waɗi jahaaŋal, accani gollooɓe mum wuro, hokki ɓe moy fu e golle mum, bati deenuɗo dammugal reena.

Marku 4:2

Oo janŋina ɓe kujje ɗuuɗɗe e ballaaji, oo wi'a ɓe:

Matiye 25:14

«Ɗum nandan hande gorko gom ciriyiiɗo waɗa jahaaŋal. Den o noddi gollotooɓe makko, o yowani ɓe jawdi makko.

Golle Lilaaɓe 7:38

Wakkati ɓe kawti der haro, kanko laatii dariiɗo hakkune kaakiraaɓe meeɗen e malaykaajo baddunooɗo mo dow waanne Sinayi. Kanko jaɓi haalaaji gurnam, gam o hokka en ɗi.

Luka 19:12

Gam majjum o waɗani ɓe ballool ŋol ɗo o wi'i: «Neɗɗo gom mo lenyol tedduŋol nun yahi genni boɗɗuni gam o laamo, ɓaawo mum, o warta.

Luka 15:13

Ɓaawo balɗe seɗɗa, suka petto on hawriti jawdi mum fu yawtidi faa genni boɗɗuni. Ton o halki jawdi nin dow baanji baanji.

Luka 8:10

O toontii ɓe o wi'i: «Onon on kokkaama annugo ko suuɗi der *Laamaare Alla, amma woɓɓe kan bata ka nun e ballaaji ‟gam baa ɓee daari to ɓe ji'u, baa ɓe nanii bo to ɓe paamu.”»

Matiye 21:28

Yeesu ɓeydi wi'i: «Kaye miiluɗon e ballool ŋol ɗo: Gorko gom nun woodunoo sukaaɓe worɓe ɗiɗo. O bati arano, o wi'i ɗum: ‟Suka am, yahu golloɗaa to gesa *innabooje.”

Luka 22:9

Ɓe ƴami mo ɓe bi'i: «Toy jiɗuɗaa men ciryoo ɗum?»

Matiye 13:3

O bati ɓe kujje ɗuuɗɗe e ballaaji. O wi'i ɓe: «Aawoowo nun wurtii aawoygo.

Matiye 21:33

«Kettinee ballool gonŋol kade. Neɗɗo gom nun tiggi gesa *innabooje mum. O waɗi kowaagol kara, o fiiltini ka. O wasi gayka to ɓiɓɓe innabooje ɓiɗɗetee, o mahi suudu towukol deenirkol der gesa ka. Ɓaawo mum, o accani ka gollotooɓe makko ɓe gaɗi haya, den o waɗi jahaaŋal.

Matiye 21:34

No wakkati ɓorugo innabooje yottii, o lili gollotooɓe makko to reeninaaɓe gesa, ɓe gaddanaa mo geɗu makko der ɓiɓɓe innabooje ɗen.

Marku 3:23

Den Yeesu noddi ɓe ɓe gara, waɗani ɓe ballool, wi'i: «Noy *Seyɗan waawirta ko riiwi Seyɗan?

Marku 11:33

Ɓe toontii, ɓe bi'i: «Men annaa!» Yeesu wi'i ɓe: «Min bo, mi batataa on e baawɗe ɗe golliranmi!»