Marku 10:40 - Bible Fulfulde Bénin New Testament

⁴⁰ Amma haanuɓe jooɗoo takkol am nyaamo e nano, min bane waɗata ɗum, ɓe Alla resani joonɗe ɗen, kamɓe jooɗotoo ɗon.»

Marku 10:40 Referans Kwoze

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Matiye 20:23

O wi'i ɓe: «Gooŋa nun, on baawan. Amma jooɗaago nyaamo am e nano am, min bane hokkata ɗum. Ɓee ɗo *Baaba am siryanii joonɗe ɗen nun heɓata ɗe.»

Iburaninkeeɓe 11:16

Amma leydi ɓuruni wooɗugo ɓe jiɗi, leydi gonuni dow kammu. Gam majjum senteene waɗay Alla o noddee Alla maɓɓe, gam oo siriyanii ɓe wanŋarde.

Yuhaana 17:24

*Baaba, mii yiɗi ɓe kalfinɗaa am ɓee, tawdee e am nokkuure to tawaami, gam ɓe ji'a tedduŋal ŋal kokkuɗaa am, gam a yiɗii am diga duuniyaaru diidaaka.

Yuhaana 17:2

A hokkii mo baawɗe dow himɓe fu, gam o hokka ɓe kalfinɗaa mo fu yonki tabitiiki.

Matiye 13:11

O toontii ɓe, o wi'i: «Onon, on kokkaama faamugo asiiri *Laamaare Alla, amma kamɓe, ɓe keɓay ɗum.

Golle Lilaaɓe 1:7

Yeesu toontii ɓe, wi'i: «Ka mon bane annon jaamanuuji e wakkatiiji ɗi *Baaba waɗi e baawɗe mum.