Marku 1:22 - Bible Fulfulde Bénin New Testament

²² Tawaaɓe ɗon haaynaare nanŋi ɗum e janŋinol makko, gam o janŋinirii ɓe e baawɗe, hinaa hande no *moodiɓɓe tawreeta janŋinirta.

Marku 1:22 Referans Kwoze

Matiye 13:54

O witti genni makko to o mawni, oo waajoo der cuuɗi maɓɓe *baajorɗi. Ko haaynaare nanŋi himɓe hettinaniiɓe mo, ɓee bi'a: «Toy o heɓi annal iri ŋal ɗo, e baawɗe waɗugo kaayeefiiji ɗii ɗo?

Yuhaana 7:46

Reenooɓe ɓen toontii, wi'i: «Abada goɗɗo batiray no gorko on batiri.»

Luka 4:32

No o janŋinirta haaynii himɓe puy gam e baawɗe nun o batirta.

Korintu ɗiɗaɓol 4:2

Men calake kujje cuuɗiiɗe e centiniiɗe. Men ƴoyrataa himɓe, men baylitintaa bo batu Alla. Ko men gaɗata woni, emen kollita gooŋa. Neɗɗo liinyoowo ɓerne mum fu yeeso Alla annitan gooŋa nun men batata.

Golle Lilaaɓe 6:10

amma ɓe baaway jaalaago mo gam o batan nun e faamu e baawɗe *Ruuhu.

Luka 21:15

Gam mi hokkan on haala ka batoyton, e hakkillo ŋo wayɓe mon fu waawataa ko salii naa bo yeddi.

Marku 1:23

E wakkati majjum, gorko gooduɗo ginnool naati e waajorde nen, bati e semme,

Luka 2:47

Hettinaniiɓe mo fu haaynaare nanŋi ɗum, gam annal e toonti makko.