Luka 9:16 - Bible Fulfulde Bénin New Testament

¹⁶ Yeesu etti peen joyo kon, e liƴƴi ɗiɗi ɗin, ɓanti gite dow kammu. O du'ii gam Alla barkiɗina ɗum. O ŋappi ŋappiti, o hokki aahiiɓe makko ɓe ceennana jama'aare.

Luka 9:16 Referans Kwoze

Matiye 14:19

O hokki hunnuko himɓe jooɗinee dow fuɗo. Den o etti peen joyo kon, e liƴƴi ɗiɗi ɗin, o tiggitii, o yetti Alla. O ŋappiti peen kon, o hokki aahiiɓe makko seennana jama'aare.

Luka 24:30

No o jooɗii gam o nyaamda e maɓɓe, o yetti Alla, o ŋappiti peen o hokki ɓe.

Matiye 15:36

O etti peen jeeɗiɗo, e likkon seɗɗa kon. O yetti Alla, o ŋappiti, o hokki aahiiɓe makko, ɓe ceennani jama'aare.

Roma 14:6

Ɓurontiroowo nyalaaɗe e waɗa ɗum gam Joomiraawo. Nyaamoowo ko yiɗi fu, e waɗa ɗum gam Joomiraawo, oo yetta Alla. Mo nyaamataa huune fu bo e waɗa ɗum gam Joomiraawo, oo yetta Alla kanko bo.

Golle Lilaaɓe 27:35

No Pol heennyi batugo ka, o etti peen, o yetti Alla yeeso maɓɓe ɓe fu, o ŋappiti, o fuɗɗi ƴakkugo.

Yuhaana 6:23

Laanaaje ƴiwuɗe Tiberiya warii takkol to ɓe nyaami peen ɗon, ɓaawo no Joomiraawo yetti Alla.

Yuhaana 6:11

Yeesu etti peen kon, yetti Alla, yeɗi wonuɓe ɗon. O waɗi liƴƴi ɗii bo hande nun. O hokki ɓe faa ɓe kaari.

Luka 22:19

Ɓaawo majjum, o etti peen, o yetti Alla, o ŋappiti, o hokki ɓe, o wi'i: «Ɗum ɗo laatii ɓannu am kokkaaŋol gam mooɗon. Gaɗee ɗum oon ciwtirorammi.»

Korintu Aranol 11:24

o yetti Alla, o ŋappiti ŋa, o wi'i: Ɗum ɗo woni ɓannu am kokkaaŋol gam mooɗon. Gaɗee ɗum, oon ciwtorirammi.

Korintu Aranol 10:30

To mi yettii Alla dow nyaamdu am, gam ume gacceteemi dow nyaamdu nu jettumi Alla gam mum?

Marku 7:34

Ɓaawo majjum, o tiggitii dow, o uumi, o wi'i paho on: «Efata! Kan woni sukkita!»

Luka 9:15

Ɓe gaɗi nun nun, ɓe jooɗini ɓe ɓe fu.

Luka 9:17

Ɓe fu ɓe nyaami ɓe kaari, ɓe kawriti ko horii ɗum hebbi killaaje sappo e ɗiɗi.