Luka 9:1 - Bible Fulfulde Bénin New Testament

¹ Yeesu noddii aahiiɓe mum sappo e ɗiɗo, hokki ɓe baawɗe e semme dow ginnaaji fu, ɓe nyawta bo nyawuuji.

Luka 9:1 Referans Kwoze

Yuhaana 14:12

Mii bata on e gooŋa, neɗɗo fu goonɗinɗo am, waɗan kanun bo golle gaɗanmi. O waɗan du ko ɓuri ɗe, gam mii dilla to Baaba.

Luka 10:19

Nani, mi hokkii on baawɗe jaaɓon bolle e jahe e baawɗe ganyo fu, goɗɗum walaa ko toorata on.

Golle Lilaaɓe 4:30

foortu junŋo maa, nyawtu nyawɓe, waɗu kaayeefiiji e haaynaareeji e inne Yeesu, golloowo maa ceniiɗo.»

Matiye 16:19

Mi hokkete maɓɓitirgel *Laamaare Alla. Ko caliɗaa e leydi ɗo, salaama dow kammu. Ko jaɓuɗaa e leydi ɗo bo, jaɓaama dow kammu.»

Golle Lilaaɓe 1:8

Amma to *Ruuhu Ceniiɗo jippake e mooɗon, on keɓan semme makko, on laatoto seedeeɓe am der *Urusaliima e der leydi Yahudiya fu, e Samariya, e faa keeddin leydi.»

Golle Lilaaɓe 9:34

Piyer wi'i mo: «Ayneyas, Yeesu *Almasiihu nyawtii maa! Umma, moƴƴin banni maa!» Ɗon maa ɗon o ummii.

Golle Lilaaɓe 3:16

Inne Yeesu nen e goonɗingo ne, kan nyawti neɗɗo mo daaroton, mo annuɗon on. Goonɗinki Yeesu on nun hokki mo jamu yeeso mooɗon on fu.»

Matiye 4:24

Habaru makko sankitii der leydi Siriya fu. Ɓee gaddana mo nyawɓe nyawuuji feere feere, hande ɓe ginnaaji toorata, e yanooɓe paɗɗe, e moofiɗinɓe, o nyawti ɓe.

Matiye 8:9

Min e hoore am, mii woodi mawɓe ɓe ɗowtanii mi, min bo mii woodi ɗowtaniiɓe am. To mi wi'i, oo ɗo, ‟yahu”, o yahan. To mi wi'i, oo to, ‟war”, o waran. To mi wi'i, jaggiiɗo am, ‟waɗu nii”, o waɗan.»

Luka 10:1

Ɓaawo majjum, Joomiraawo suɓi lasoy tato e sappo e ɗiɗo, o lili ɓe ɗiɗɗiɗo yeeso makko der ci'e e nokkuuje ɗe o miili yahugo kanko e hoore makko.