Luka 5:11 - Bible Fulfulde Bénin New Testament

¹¹ No ɓe bittinoy laanaaje maɓɓe fonŋo, ɓe acci ɗon huune fu ɓe tokki mo.

Luka 5:11 Referans Kwoze

Matiye 4:20

Ɗon maa ɗon ɓe acci taaruuji maɓɓe, ɓe tokki mo.

Luka 5:28

Leewi ummii, acci huune fu, tokki mo.

Matiye 19:27

Den, Piyer etti haala wi'i mo: «Minon, men accii huune fu men tokki maa. Ume nun laatantoo men?»

Marku 10:21

Ɗon Yeesu daari mo, yiɗi mo, wi'i: «Huune woore tan jaccu maa: Yahu sippu ko gooduɗaa fu, kokkaa ceede mum talakaaɓe. Den a heɓan jawdi dow kammu, ɓaawo mum, garaa tokkaa am.»

Matiye 10:37

«Jiɗuɗo baaba mum, ɗum bo inna mum faa ɓurinimmi, joomum fotay laataago mo am. Jiɗuɗo ɓiɗɗo mum gorko naa bo debbo, faa ɓurinimmi, joomum fotay laataago mo am.

Matiye 4:22

Ɗon maa ɗon, ɓe acci laana ŋan e baaba maɓɓe, ɓe tokki mo.

Matiye 19:29

Neɗɗo fu accuɗo wuro mum, e sakikiraaɓe mum worɓe e rewɓe, e baaba mum, ɗum bo inna mum, e sukaaɓe mum, e gese mum, gam am, o heɓan ko ɓuri ɗum, kade bo, o heɓan yonki tabitiiki.