Luka 24:44 - Bible Fulfulde Bénin New Testament

⁴⁴ O wi'i ɓe: «Nani ka batunoomi on wakkati gondunoomi e mon: ‟Ko bataa dow am der dewte Muusa, e der dewte annabiiɓe, e der Jabuura fu, e haani hebba.”»

Luka 24:44 Referans Kwoze

Golle Lilaaɓe 13:33

Alla hebbinanii en ŋal, enen ɓiɓɓe maɓɓe, no o fintini Yeesu, hande no winniraa e jimol Jabuura ɗiɗaɓol: ‟An, a ɓiyam, hanne mi rimii maa ”.

Luka 9:22

Yeesu ɓeydi kade o wi'i ɓe: «*Ɓii neɗɗo tooroto sanne, *dottiiɓe, e hooreeɓe *limaamiiɓe e *moodiɓɓe tawreeta woppan mo, ɓe bara mo, amma nyalaane tatawre o fintan.»

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Iburaninkeeɓe 10:1

Tawreeta, hollitan nun tan ɗoogi huune geetum, garoojum, ka hollitintaa huune ɗum e hoore mum. Kan acci ka waawataa ko laatini ɓattotooɓe Alla hebbuɓe e laawol waɗugo sadakaaji gooti ɗin baadey fu, e der duuɓol fu.

Yuhaana 5:46

To on goonɗiniino Muusa e gooŋa, on goonɗinanno am min bo, gam min o batani der dewte makko.

Iburaninkeeɓe 9:8

Diga e majjum *Ruuhu Ceniiɗo e hollita no laawol gaɗa ɓuruka senaago fu maɓɓitaaki taw, to wecco bukaaru aranu e woni.

Yuhaana 5:39

Oon biɗitoo Dewte gam oon miiji ɗe kokkan on yonki tabitiiki. Kanje seedantoo am.

Yuhaana 3:14

Hande no Muusa ɓiliri boddi janni dow leggal der ladde haro, hande non Ɓii neɗɗo bo ɓilirtee,

Luka 24:46

Go o wi'i ɓe: «Nani ko winnaa: *Almasiihu tooroto, finta diga maayɓe der nyalaane tatawre.

Iburaninkeeɓe 7:1

Malkisadaka on laati nun laamiiɗo siire wi'eteene Salaam. Oo laatii bo *Limaamiijo Alla towuɗo. Wakkati Iburahiima wartata diga konu ŋu o jaalii laamiiɓe, den Malkisadaka fotti e makko, barkiɗini mo .

Iburaninkeeɓe 3:5

Muusa laatike koolaaɗo der suudu Alla fu, hande jaggiiɗo, oo seedanoo ko batanoytee.

Golle Lilaaɓe 7:37

Muusa on bati ɓiɓɓe Isira'iila wi'i: ‟Alla umminanan on Annabiijo caka banniraaɓe mooɗon hande am .”

Luka 22:37

Gam mii bata on. Sey haala binnaaka kaa fu hebba dow am: ‟O lintaama hakkune waɗooɓe ko halli.” Ko bataa dow am fu hebban.»

Luka 21:22

Gam nyalaaɗe ɗen laati nun nyalaaɗe wattaago, heɓa ko dewte batunoo fu hebba.

Luka 9:44

«Onon, nanee ka batanmi on faa wooɗa: *Ɓii neɗɗo wattoyte der juuɗe himɓe.»

Matiye 26:56

Amma huune ɗum fu waɗii gam ko winnaa der dewte annabiiɓe hebba.» Den, aahiiɓe makko fu doggi, acci mo.

Matiye 26:54

Amma to ɗum laataaki non, noy ko winnaa der Dewtere hebbirta? Gam dewtere wi'i, non ɗum laatotoo.»

Matiye 16:21

Diga wakkati mum, Yeesu fuɗɗi faamingo aahiiɓe mum wi'i e haani o yaha *Urusaliima. Ton dottiiɓe e *limaamiiɓe, e *moodiɓɓe tawreeta tooroyta mo puy, ɓe bara mo. Amma nyalaane tatawre, o fintan.

Piyer Aranol 1:11

*Ruuhu *Almasiihu gonɗo der maɓɓe, hollii ɓe ɗum diga wakkati majjum waray, o sappake ɓe tooraaji Almasiihu, e tedduŋal ɗi ŋal waddata. Annabiiɓe ɓen dartii faamugo dey ɗum waɗata, e no ɗum waɗirta.

Golle Lilaaɓe 3:18

Amma, hande nun Alla hebbiniri ko o batunoo e hunnuko annabiiɓe mum fu o wi'i *Almasiihu makko tooroto.

Marku 9:31

gam oo janŋina aahiiɓe makko, oo wi'a: «*Ɓii neɗɗo wattete e juuɗe himɓe, ɓe bara mo, amma balɗe tati ɓaawo maayde makko, o fintan.»

Matiye 1:22

Ɗum fu, ɗum waɗii gam hebbingo haala ka Joomiraawo batuno diga e hunnuko annabiijo, o wi'i:

Golle Lilaaɓe 2:27

gam a accataa yonki am der joonne maayɓe, a accataa Ceniiɗo maa nyola.

Golle Lilaaɓe 13:40

Gam majjum, gaɗee hakkillo, ko annabiiɓe batunoo e annabaaku mum to tawu on: