Luka 11:51 - Bible Fulfulde Bénin New Testament

⁵¹ Diga ƴiiƴam Habiila faa e ɗam Jekariya baraaɗo hakkune hiisirde e suudu Alla. Mii bata on e gooŋa, himɓe jaamanuuru hanne ƴamoyte ɗam ɗam fu.

Luka 11:51 Referans Kwoze

Iburaninkeeɓe 11:4

Diga e goonɗinki nun Habiila hokki Alla sadaka ɓuruka ka Kayiinu go Alla daari mo poonnitiiɗo. Alla bo jaɓii sadaka makko. Baa no Habiila maayi, goonɗinki makko e waajoo en faa hanne.

Matiye 23:35

Alla hiitoto on sabbu ƴiiƴam himɓe foonnitiiɓe, baraaɓe. Ɗum fuɗɗan diga ƴiiƴam Habiila, poonnitiiɗo, faa ƴiiƴam Jekariya, ɓii Barakiya, mo baruɗon hakkune suudu Alla e hiisirde.

Yuhaana Aranol 3:12

Haanay gaɗen hande no Kayiinu waɗi kanko laatiiɗo mo *Ibiliisa, o warii minnyiiko. Gam ume waɗi o wari minnyiiko? O warii mo gam golle makko wooɗay, go ɗe minnyiiko laatii goonɗuɗe.

Iburaninkeeɓe 12:24

On garii to Yeesu beldinɗo himɓe e Alla der alkawal kesal, e to ƴiiƴam mum miccaaɗam, ɓuruɗam ɗam Habiila.