Kollitinki 7:2 - Bible Fulfulde Bénin New Testament

² Ji'umi kade malaykaajo goɗɗo ƴiwoy diga lettugal, e jogii maanorɗum Alla yonkinteejo. O baddi malaykaaɓe nayo e daane towne, hokkaaɓe baawɗe waɗango leydi, e maayo ko halli.

Kollitinki 7:2 Referans Kwoze

Efesu 4:30

To on mettinee ɓerne *Ruuhu Ceniiɗo mo Alla maanorii on, gam o rinɗina on nyalaane darŋal.

Korintu ɗiɗaɓol 1:22

Kanko maanii en e maanorɗum makko, o wattii *Ruuhu makko der ɓerɗe meeɗen, gam tabbitingo o hokkan en moƴƴereeji ɗi o resani en.

Kollitinki 9:4

Ɗi bi'aa to ɗi meemu fuɗo, e huune ko fuɗata dow leydi, e leɗɗe, amma himɓe ɓe maane Alla walaa dow tiiɗe mum.

Timote Ɗiɗaɓol 2:19

Amma Alla daɗɗii daɗɗa ka dimmataako. Nani ɗo ko winnaa dow makka: «Joomiraawo e anni laataniiɓe ɗum.» Nunnun bo: «Noddoowo inne Joomiraawo fu, woɗɗoo waɗugo ko halli.»

Efesu 1:13

Onon bo, no kawtuɗon e *Almasiihu, on nanii haala gooŋa, kanka woni *linjiila kaa ɗo hisinta on. No goonɗinɗon, Alla maanake on. Maane nen woni *Ruuhu Ceniiɗo mo o haɓɓuno alkawal mum o hokkan.

Kollitinki 5:2

Den ji'umi malaykaajo semmenteejo gom e bata e daane towne, e wi'a: «Moy nun foti takkitingo maaneeji ɗin, den maɓɓita dewtere nen?»

Yuhaana 6:27

To on gollee gam nyaamdu keennyoowol, amma gollee gam nyaamdu tabitintooŋol, kokkoowol yonki tabitiiki. Nyaamdu ŋol ɗon nun, *Ɓii neɗɗo hokkata on, gam kanko Alla *Baaba, waɗani maane baawɗe mum.»

Kollitinki 1:3

Barke laatanii janŋoowo dewtere ne, e nanooɓe haala annabaaku ŋu, go e jogii ko winnaa der mayre! Gam wakkati ɓadike.

Kollitinki 10:4

No palmaali jeeɗiɗi ɗin batidi, ko ciriyiimi mi winna. Amma nanumi daane gom ƴiwi diga dow kammu, wi'immi: «Suuɗu ko palmaali jeeɗiɗi ɗin wi'i, taa winnu ka!»

Kollitinki 10:1

Ɓaawo majjum, ji'umi malaykaajo semmenteejo gom kade. Oo jippoo diga dow kammu. Oo ɓornii duulere, cincinga e fiiltitii hoore makko. Yeeso makko e jalba hande naaŋe, asaale makko e wa'i hande moosi yiite.

Kollitinki 8:3

Malaykaajo goɗɗo wari darii ley hiisirde. Oo jogii heeɗo urirgo, ŋo kanŋeeri. O hokkaa wardi ɗuuɗɗo, o ura, kanjum e du'aaje himɓe Alla, o yottina ɗum dow hiisirde ne kanŋeeri, gonune yeeso kittaal laamu.

Iburaninkeeɓe 12:22

Amma onon, on garii to waanne Siyoona, e wanŋarde Alla yonkinteejo, waato *Urusaliima ni dow kammu, to malaykaaɓe uju ujuneeje hawriti e welwelta.

Tesalonika Aranol 1:9

E batee toy fu no jaɓɓoriiɗon men e no accirɗon tooruuje, baylitiɗon, tokkuɗon Alla mo yonki, gooŋaajo,

Matiye 26:63

Amma Yeesu toontaaki gokka. Hooreejo limaamiiɓe on wi'i mo: «Mii eele e inne Alla yonkinteejo, batu men to an nun woni *Almasiihu, *Ɓiɗɗo Alla.»

Matiye 16:16

Simon Piyer toontii mo, wi'i: «An woni *Almasiihu, *Ɓiɗɗo Alla yonkinteejo.»

Kollitinki 9:14

Daane nen wi'i malaykaajo jeego'aɓo jogiiɗo walaldu puureteeŋol: «Fiirtu malaykaaɓe nayo haɓɓaaɓe to maayo manŋo, wi'eteeŋo Efaratis.»

Kollitinki 16:12

Malaykaajo jeego'aɓo reƴƴiti jarirgel mum dow maayo manŋo wi'eteeŋo Efaratis, diyam maggo ɓeetti, accani laamiiɓe warooɓe diga lettugal laawol.