Kollitinki 21:4 - Bible Fulfulde Bénin New Testament

⁴ O moytan gonɗi gite maɓɓe fu. Maayde, e bojji, e toora wonataako kade, gam kujje arandeeje fu yawtii.»

Kollitinki 21:4 Referans Kwoze

Kollitinki 7:17

Gam Jawgiyel gonuŋel caka kittaal laamu duran ɓe. Ŋel yaaran ɓe to ciiɓiije diyam kokkoojam yonki. Alla moytan gonɗi gite maɓɓe fu.»

Korintu Aranol 15:26

Ganyo cakitorteeɗo halkeego woni maayde.

Yuhaana Aranol 2:17

Duuniyaaru e suuno mum fu heennyan, amma gaɗoowo ko Alla yiɗi, taboto faa abada.

Matiye 24:35

Kammu e leydi heennyan, amma haala am heennyataa faa abada.»

Kollitinki 21:1

Ɓaawo majjum, ji'umi kammu kesu e leydi keyri, kammu aranu e leydi arandeeri majjitii, maayo bo walaa.

Kollitinki 20:14

Maayde, e joonne maayɓe wattaa der maayo yiite. Maayo yiite ŋon woni maayde ɗiɗawre.

Kollitinki 22:3

Naaloore tawataake kade der siire nen. Kittaal laamu Alla e Jawgiyel wonoto der mayre, jaggiiɓe makko sujidanan mo.

Piyer Ɗiɗaɓol 3:10

Nyalaane Joomiraawo waran hande gujjo. Nyalaane nen, kammu majjitan e rimmo manŋo. Ko woni dow kammu fu halkete e yiite. Leydi e golle gaɗaaɗe dow mayri fu, hiitete.

Korintu Aranol 7:31

seyortooɓe jawdi duuniyaaru, wonoo hande ɓe ceyataako, gam duuniyaaru nuu ɗo faanake heennyugo.

Korintu ɗiɗaɓol 6:17

Gam majjum Joomiraawo wi'i kade: «Burtee caka maɓɓe! Ceenniree e maɓɓe! To on meemee ko soɓi! Den, mi jaɓan on.

Korintu ɗiɗaɓol 5:17

To neɗɗo hawtii e Almasiihu, o laatake tagudi keyri. Kujje kiiɗɗe yawtii, jooni huune fu laatake kesum.

Iburaninkeeɓe 12:27

No o wi'i «de woore kade» eɗum holla no tagaaɗum fu dimmoto faa ko dimmataako horoo.

Kollitinki 20:13

Maayo tuuti maayɓe mum. Maayde e joonne maayɓe bo tuuti maayɓe mum. Den moy maɓɓe fu, hiitaa deydey golle mum.