Kollitinki 20:2 - Bible Fulfulde Bénin New Testament

² O nanŋi kuuŋa, boddi nayeeri, bi'eteeni *Ibiliisa e *Seyɗan, o haɓɓi ŋa faa duuɓi ujuneere.

Kollitinki 20:2 Referans Kwoze

Piyer Ɗiɗaɓol 2:4

Baa malaykaaɓe waɗunooɓe hakke, Alla accay ɗum, o haɓɓii ɓe e callalluuji, o faɗɗi der niwre jahannama, faa nyalaane darŋal.

Kollitinki 12:9

Kuuŋa manŋa ŋan wurtinaama yaasi. Kanŋa woni boddi nayeeri, bi'eteeni *Ibiliisa e *Seyɗan, jarbotooɗo duuniyaaru fu. O faɗɗaama e leydi, e malaykaaɓe makko fu.

Yahuuda 1:6

Ciwtoree bo malaykaaɓe, saliiɓe ko darii to Alla resani ɗum, ɓe acci darande maɓɓe. Gam majjum Alla maɓɓi ɓe der kasu tabitiiŋu, e der niwre, faa nyalaane darŋal, ko ɓe kiitee.

Yuhaana 12:31

Jooni woni kiita duuniyaaru. Jooni laamiiɗo duuniyaaru nuu, tippetee yaasi.

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Roma 16:20

Alla kokkoowo jam muunyitan *Seyɗan yeeso seɗɗa ley koyɗe mooɗon. Moƴƴere Joomiraawo meeɗen Yeesu wonda e mooɗon!

Yuhaana 16:11

Dow kiita, ɓee boofa gam laamiiɗo duuniyaaru hiitaama ko.

Kollitinki 13:2

Bisaa ŋa ji'umi e nandi e muusuuru. Koyɗe magga e wa'i hande koyɗe dawaaŋel. Hunnuko magga e wa'i hande hunnuko jaggere. Kuuŋa ŋan hokki bisaa ŋan baawɗe mum, e kittaal mum, e baawɗe mawɗe.

Kollitinki 12:17

Kuuŋa ŋan monnii debbo on sanne, yahi haɓoygo horiiɓe der lenyol makko, waato ɗowtaniiɓe ka Alla bati ko e seedanoo Yeesu.

Kollitinki 12:15

Go boddi nin tuuti diyam, eɗam ila ɓaawo debbo on hande maayo, gam ɗam ilina mo.

Kollitinki 12:13

No kuuŋa ŋan yi'i faɗɗaama e leydi, ŋa yanti toorugo debbo dimuɗo ɓiɗɗo gorko on.

Marku 5:7

o halɓi e semme, o wi'i: «Yeesu, *Ɓiɗɗo Alla mo dow, ume jiɗuɗaa waɗugo am? Mi eelee gam Alla, taa tooram!»

Matiye 8:29

Ɓe darii ɓee bata e semme, ɓee bi'a: «An *Ɓiɗɗo Alla, ume jiɗuɗaa waɗugo men? A warii ɗo gam tooraa men diga wakkati waɗay na?»

Kollitinki 13:4

Ɓe cujidani kuuŋa ŋan, gam ŋa hokkii bisaa baawɗe magga. Den, ɓe cujidani bo bisaa, ɓe bi'i: «Moy nandi e bisaa? Moy waawi ko haɓidi e magga?»

Kollitinki 9:11

Malaykaajo ɓunnu lugguŋol kaddi walaa, laatii laamiiɗo majji. Inne makko e Iburaninkeere woni, Abaddon, e Yunaninkeere bo, Apolliyon.

Matiye 19:29

Neɗɗo fu accuɗo wuro mum, e sakikiraaɓe mum worɓe e rewɓe, e baaba mum, ɗum bo inna mum, e sukaaɓe mum, e gese mum, gam am, o heɓan ko ɓuri ɗum, kade bo, o heɓan yonki tabitiiki.

Marku 4:15

Himɓe woɓɓe e nandi e laawol to haala kan yani: Ɓe nanan ka, den ɗon maa ɗon *Seyɗan wara, ikkina haala aawaaka e maɓɓe.

Kollitinki 12:3

Maane gom kade hollitii dow kammu, go kuuŋa gom boɗeya, manŋa, hollitii. Ŋaa woodi ko'e jeeɗiɗi e galalɗi sappo, hoore fu e woodi meetalol laamu.

Kollitinki 12:4

Ɓokkordu magga e fooɗa feccere koode kammu tatawre, e faɗɗa ɗe e leydi. Ŋa darii yeeso debbo paaniiɗo rimugo on, gam ŋa moɗa ɓiyiiko to o rimii.

Kollitinki 20:7

To duuɓi ujuneere hebbii, *Seyɗan yoofete, wurtoo e kasu mum.

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.