Kollitinki 2:3 - Bible Fulfulde Bénin New Testament

³ Aa woodi munyal, a toorake gam inne am, amma a tampay.

Kollitinki 2:3 Referans Kwoze

Iburaninkeeɓe 10:36

E gooŋa, oon goodi bukaata munyal, gam keɓon ko Alla haɓɓani on alkawal, to on gaɗii ko o yiɗi.

Iburaninkeeɓe 12:1

Seedeeɓe ɗuuɓɓe e fiiltitii en hande duule. Gam majjum enen bo, en boppee doongal fu, e hakke taariiɗe en e koyɗum. Den doggen e tinnaare der doggudu daɗontiree ŋol desanaɗen.

Galaatiya 6:9

To en comee waɗugo geetum. Gam to en tampay, en duggan to wakkati mum warii.

Koloosi 1:11

Emen eela Alla hokka on semme, e baawɗe mum tedduɗe, gam baawon tinnaago, e munyango huune fu.

Yuhaana 15:21

Amma ɓe gaɗanan on ɗum ɗum fu gam am, gam ɓe annaa liluɗo am.

Korintu Aranol 13:7

Oo yaafoo huune fu, oo hoolo huune fu, oo heɗoo Alla der ko waroyta, oo munyana huune fu.

Kollitinki 3:10

A jogake haala am, a munyii sanne. Gam majjum, min bo, mi reenete der wakkati ɓillaare garanoore duuniyaaru gam foonna himɓe.

Iburaninkeeɓe 6:15

Hande non Iburahiima munyiri, o heɓi ko Alla haɓɓani mo alkawal.

Iburaninkeeɓe 6:12

To on laatee ciiwaakuuɓe, amma yemminee goonɗinki e munyal himɓe heɓooɓe donŋu ŋu Alla haɓɓi alkawal mum diga e goonɗinki.

Iburaninkeeɓe 6:10

Gam Alla laataaki mo fonnitaaki. O yeggitintaa gaɗu mon, e yidde ne kollitinɗon gam inne makko. On kollitii yidde nen e golle ɗe gaɗuɗon, e ɗe gaɗoton faa hanne gam himɓe Alla.

Timote Aranol 4:10

Gam sabbu ɗum ɗon fu, emen golloo emen duura, gam men jowii hoolaare amen fu dow Alla yonkinteejo. Kanko laatii Kisinoowo himɓe fu, accu du goonɗinɓe mo.

Tesalonika Ɗiɗaɓol 3:13

Amma onon banniraaɓe, to on comee waɗugo ko wooɗi.

Korintu ɗiɗaɓol 4:16

Gam daliila majjum acci ɓerɗe amen biisaaki. Baa to ɓalli amen e halka, yonkiiji amen e laatoo kesi nyalaane fu.

Korintu ɗiɗaɓol 4:1

Alla hokkii men golle ɗen sabbu enɗam mum. Gam majjum ɓerɗe amen biisaaki.

Roma 12:12

Ceyoree ko kooliɗon on keɓan, munyanee tooraaji, tinnee e waɗugo du'aaje.

Roma 8:25

Amma to een tammihii ko en ji'ataa yottoto, en kettinto ɗum e munyal.

Luka 14:27

Mo roonaaki palaaŋal mum tokkimmi, waawataa ko laatii aahiijo am.

Kollitinki 1:9

Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Piyer Ɗiɗaɓol 1:6

dow annal, nantaare, dow nantaare, tinnaare, dow tinnaare, kulol Alla,

Tesalonika Aranol 1:3

Emen ciwtora on yeeso Alla *Baaba meeɗen e golle mooɗon ɗe gaɗuɗon gam goonɗinki mooɗon. Emen ciwtora bo no tinnoriɗon gam yidde, e no munyirɗon der tammuwe mooɗon der Joomiraawo meeɗen Yeesu *Almasiihu.

Korintu ɗiɗaɓol 11:23

Ɓe laati nun gollantooɓe *Almasiihu? Mii laatii ɗum ɓuri ɓe, mii bata hande kaaŋaaɗo. Mii ɓuri ɓe gollaago, mii ɓuri ɓe maɓɓeego, mii ɓuri ɓe fiyeego. De ɗuuɗɗum gonumi der kaliire maayde.

Korintu ɗiɗaɓol 5:9

Gam majjum tinniɗen fottango mo, baa to een goni der ɓalli ɗii ɗo, ɗum bo to en accii ɗi.

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Luka 18:1

Yeesu waɗani ɓe ballool ŋol ɗo gam o holla ɓe no haani ɓee du'o wakkati fu, to ɓe comu.

Luka 8:15

Awdiiri caamuni dow leydi geeri laatii hande nanuɓe haala Alla, ko jaɓi ka e ɓerɗe geete, laaɓuɗe, e tinnaare maɓɓe ɓe diman ɓikkon.»

Iburaninkeeɓe 13:13

To non, en burtee taween mo yaasi wanŋarde, jaɓen senteene ne o sentinaa!

Timote Aranol 5:17

*Dottiiɓe ardaniiɓe Eklesiya deydey, e haani heɓa joddi golle mum de ɗiɗi. Accu du tinniiɓe e waaji e janŋinol.

Tesalonika Ɗiɗaɓol 3:8

Walaa mo men nyaami nafa mum baanji. Jemma e nyalooma fu, men gollike e comuri, gam to men laatano goɗɗo mon doongal.

Tesalonika Ɗiɗaɓol 3:5

Joomiraawo acca ɓerɗe mooɗon yiɗa Alla, munyon hande no *Almasiihu munyiri!

Tesalonika Aranol 2:9

Banniraaɓe, on jeggitay no men baajotonoo on linjiila Alla, men gollikeno sanne faa men comi. Men gollike jemma e nyalooma men nyaanniri ko'e amen, gam to men teddana goɗɗo mooɗon.

Filippi 4:3

An gollidoowo e am koolaaɗo, mii eelee ballaa rewɓe ɓen, ɓe gollidii e am gam waaju *linjiila, kamɓe e Kelema e gollodiiɓe e am woɓɓe, inɗe maɓɓe winnaama der dewtere yonki.

Filippi 2:16

Oon baajoo ɓe haala ka yonki gam mi juro der nyalaane wittoygo *Almasiihu, mi anna doggudu am e comuri am waɗay baanji.

Galaatiya 6:2

Ballontiree roonaago doolle mooɗon, hande non kebbinirton ko *Almasiihu resani on.

Korintu ɗiɗaɓol 10:15

Men jurortaako golle woɓɓe faa yawta. Amma emen koolii, to goonɗinki mooɗon e ɓeydoo, golle amen bo ɓeydoto yaajugo caka mooɗon tawee men ƴartaaki jaka to Alla resani men.

Korintu ɗiɗaɓol 6:5

Men piyaama, men gattaa der kasu. Ɓe umminii fitinaaji dow amen, men gollike men comi, men ɗaanaaki, men nyaamay.

Roma 16:12

Mii sanna Tirifen e Tirifos, rewɓe gollantooɓe Joomiraawo puy. Mii sanna bo Persis, debbo jiɗaaɗo, kokkuɗo hoore mum sanne gam golle Joomiraawo.

Luka 21:19

E tinnaare mooɗon, on kisinan yonkiiji mon.»

Marku 15:21

Dow laawol ɓe potti e gorko gom bi'eteeɗo Simon, mo Sirene, baaba Aleksandire e Rufus, e warta diga nokkun. Soogeeji dooli mo o wakkoo leggal Yeesu palaaŋal.

Tesalonika Aranol 5:12

Banniraaɓe, emen eela on teddinon gollooɓe e anniya hakkune mon, ardaniiɓe on der laawol Joomiraawo e waggina on.

Korintu Aranol 16:16

Ɗowtanee himɓe iri maɓɓe, tinniiɓe e gollodoo e maɓɓe.

Luka 5:5

Simon toontii mo wi'i: «Moodibbo, men gollake jemmaare nee ɗo fu men nanŋay goɗɗum. Amma no an nun bati, men paɗɗan taarooji ɗin.»