Kollitinki 19:3 - Bible Fulfulde Bénin New Testament

³ Ɓe bi'i de ɗiɗawre: "Aleluya! Curki bulol wanŋarde nen e eenca dow faa abada!"

Kollitinki 19:3 Referans Kwoze

Kollitinki 18:18

No ɓe ji'i curki bulol mayre yiite, ɓe kalɓi, ɓe bi'i: «Wanŋarde gom walaa fotidinnoone e wanŋarde nee ɗo!»

Kollitinki 18:9

Laamiiɓe duuniyaaru hawtuɓe e mayre der jeenu e goonnan mayre wullan, simoo to yi'i curki bulol yiite mayre.

Kollitinki 14:11

Curki yiite tooranŋe ɓe, e eenca dow faa abada. Sujidanɓe bisaa, e foto mum, ko heɓi maane inne magga, ɓe keɓataa siwtaare jemma e nyalooma fu.»

Kollitinki 19:1

Ɓaawo majjum, nanumi daane towne hande daane jama'aare ɗuunne dow kammu, e wi'a: "Aleluya ! Kisidam, e tedduŋal, e baawɗe laatanii Alla meeɗen.

Yahuuda 1:7

Kade bo, ciwtoree himɓe Sodoma e Gomora, e himɓe genniije takkiiɗe ton fu. Kamɓe bo, ɓe gaɗiino hande non, ɓe gaɗii jeenu e ko luudii fu. Ɓe kalkiraama e yiite tabitiiŋe, gam ɗum laatanoo himɓe fu misaalu.

Kollitinki 19:4

*Dottiiɓe laso e nayo, e tagaaɗum nayum yonkintejum ɗum, jiccii sujidani Alla jooɗiiɗo dow kittaal laamu, e wi'a: "Aami! Aleluya!"