Kollitinki 15:3 - Bible Fulfulde Bénin New Testament

³ Ɓee jima jimol Muusa, jaggiiɗo Alla, e ŋol *Jawgiyel, ɓee bi'a: «Joomiraawo Alla mo baawɗe, golle maa e mawni, e haayɗinii! Laabi maa e foortii, e laatii gooŋaaji, an laamaniiɗo leyɗeele!

Kollitinki 15:3 Referans Kwoze

Iburaninkeeɓe 3:5

Muusa laatike koolaaɗo der suudu Alla fu, hande jaggiiɗo, oo seedanoo ko batanoytee.

Yuhaana 1:17

Diga e Muusa nun tawreeta hokkiraa, amma moƴƴere, e gooŋa warii diga e Yeesu Almasiihu.

Kollitinki 19:2

Kiitaaji makko e laatii gooŋaaji, ɗii poonnitii! O hiitake kaaruwaajo mawɗo biisuɗo duuniyaaru e kaaruwaaku mum. Alla hiitake mo gam o reƴƴitii ƴiiƴam gollantooɓe ɗum."

Kollitinki 14:3

Himɓe ɓen e yima jimol kesol yeeso kittaal laamu, e yeeso tagaaɗum nayum yonkintejum, e yeeso *dottiiɓe. Goɗɗo waaway ko ekkitii jimol ŋol to hinaa himɓe ujune hemure e lasoy ɗiɗo e nayo (144 000), sooditaaɓe diga duuniyaaru.

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 11:17

ɓee bi'a: «Joomiraawo Alla, mo baawɗe, An gonuɗo naane, e jooni, men jettii maa, gam a gollirii baawɗe maa mawɗe, a tabbitinii laamu maa.

Kollitinki 4:8

Huune yonkintejum nayum ɗum, gootum mum fu e woodi biyeeɗe jeego'o. Biyeeɗe ɗen e woodi gite der e yaasi. Jemma e nyalooma fu, eɗum wi'a: «Ceniiɗo, Ceniiɗo, Ceniiɗo, non Joomiraawo Alla mo baawɗe fu laatii. O na'onno, o na'on jooni, oo wara!»

Kollitinki 19:16

Inne gom e winnaa dow toggoore makko, e dow asaaŋal makko: "Laamiiɗo laamiiɓe, e Joomiraawo joomiraaɓe."

Kollitinki 14:8

Malaykaajo ɗiɗaɓo tokkini arano, e wi'a: «Babiila wanŋarde mawne yanii! Ne yanii! Ne yarnii leyɗeele fu jaram mayre, ɗam baadi mayre kalluni.»

Timote Aranol 1:17

Alla gooto woni, laamiiɗo tabitiiɗo, mo maayataa, mo yi'ataake bo. Daraja e tedduŋal woodani mo faa abada abadin. Aami!

Kollitinki 1:8

Joomiraawo Alla, gonuɗo, e gonnooɗo, e garoowo, mo baawɗe wi'i: "Min woni arano, min woni sakitiineejo."