Kollitinki 13:8 - Bible Fulfulde Bénin New Testament

⁸ Himɓe wonuɓe e duuniyaaru, ɓe inɗe mum winnaaka der dewtere yonki diga fuɗɗoode duuniyaaru, sujidanan bisaa ŋan. *Jawgiyel kiisanooŋel nun woodi dewtere nen.

Kollitinki 13:8 Referans Kwoze

Efesu 1:4

Diga duuniyaaru tagaaka, Alla suɓii en sabbu Almasiihu, gam laatoɗen seniiɓe, ɓe walaa gacce yeeso makko.

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Kollitinki 17:8

Bisaa ŋa ji'uɗaa, ŋa na'onno, amma jooni, ŋa walaa. Ŋa wurtoyto diga e gayka lugguka, ŋa yaha halkoygo. Inɗe himɓe duuniyaaru woɓɓe winnaaka e dewtere yonki diga fuɗɗoode duuniyaaru. Ɓe kaayɗinto to ɓe ji'ii ŋa, gam ŋa na'onno, go ŋa walaa kade, amma ŋa wittitoyto.

Kollitinki 3:5

Hande non, jaaliiɗo fu ɓornoto kolte daneeji. Mi moytataa inne makko diga dewtere yonki pay. Mi seedoto yeeso *Baaba am e yeeso malaykaaɓe mum, oo laatii mo am.

Titus 1:2

Hande non ɓe goodirta hoolaare heɓugo yonki tabitiiki. Alla mo fewataa haɓɓaniino en alkawal yonki kin diga huune fu tagaaka.

Kollitinki 21:27

Ko soɓi fu naatataa der mayre. Gaɗoowo ko sentinii, e pewoowo naatataa ton. Amma naatooɓe ton woni, ɓe inɗe mum winnaa der dewtere yonki, ne *Jawgiyel.

Kollitinki 5:12

Ɓee bata e daaɗe towɗe ɓee bi'a: «*Jawgiyel kiisanooŋel fotii heɓa baawɗe, e jawdi, e faamu, e semme, e manŋu, e tedduŋal, e maantooje!»

Yuhaana 1:29

Fini mum, Yuhaana yi'i Yeesu e wara to mum, wi'i: «Nani *Jawgiyel Alla ikkinoowel hakkeeji duuniyaaru.

Luka 10:20

Amma to on accee ɓerɗe mooɗon wela gam ginnaaji ɗowtanake on, amma accee ɓerɗe mon wela gam inɗe mon e winnaa dow kammu.»

Filippi 4:3

An gollidoowo e am koolaaɗo, mii eelee ballaa rewɓe ɓen, ɓe gollidii e am gam waaju *linjiila, kamɓe e Kelema e gollodiiɓe e am woɓɓe, inɗe maɓɓe winnaama der dewtere yonki.

Kollitinki 3:20

Mi nani darii e dammugal, mii silmina. To goɗɗo nanii daane am go maɓɓiti dammugal, mi naatan wuro mum, mi nyaamda e mum, joomum bo nyaamdan e am.

Kollitinki 3:10

A jogake haala am, a munyii sanne. Gam majjum, min bo, mi reenete der wakkati ɓillaare garanoore duuniyaaru gam foonna himɓe.

Kollitinki 12:15

Go boddi nin tuuti diyam, eɗam ila ɓaawo debbo on hande maayo, gam ɗam ilina mo.

Kollitinki 5:13

Den nanumi ko tagaa fu, gonuɗum dow kammu, e dow leydi, e der leydi, e der maayo, e ko woni der majjum fu, e wi'a: «Maantoore, e manŋu, e tedduŋal, e baawɗe woodani jooɗiiɗo dow kittaal laamu, e Jawgiyel, faa abada!»

Kollitinki 6:1

Wakkati daaranmi, ji'umi *Jawgiyel takkiti maaneeji jeeɗiɗi ɗin woore mum. Den nanumi huune nayum yonkintejum ɗum, gootum mum e bata e daane towne hande riggaaŋo, e wi'a: «War!»

Kollitinki 13:12

Ŋa gollirii baawɗe bisaa arana yeeso magga. Ŋa dooli duuniyaaru e jooɗiiɓe e mayru sujidana bisaa arana nawnanooŋa yiɗi waatugo ko nyawtaa.