Kollitinki 1:3 - Bible Fulfulde Bénin New Testament

³ Barke laatanii janŋoowo dewtere ne, e nanooɓe haala annabaaku ŋu, go e jogii ko winnaa der mayre! Gam wakkati ɓadike.

Kollitinki 1:3 Referans Kwoze

Luka 11:28

Amma Yeesu toontii mo wi'i: «Ko ɓuri ɗum woni, barke laatanii hettiniiɓe haala Alla e gollira ka.»

Kollitinki 22:10

O wi'immi kade: "Taa suuɗu haalaaji annabaaku gonuɗi der dewtere nee ɗo, gam wakkati ɓadake.

Roma 13:11

Gaɗee ɗum, gam oon anni der iri wakkati kiye nun gonuɗen. Wakkati kaanuki pinen diga e ɗoyŋol nun. Gam jooni kisidam men e ɓadii ɓuri de goonɗinnoɗen.

Piyer Aranol 4:7

Huune fu ɓadake heennyugo, gam majjum gaɗee hakkillo, jogee ko'e mon gam gaɗon du'aaje.

Kollitinki 22:12

Yeesu wi'i: "Kettinee, mii wara, ɓooyataa. Mi waddan barjaari gam mi warjoo moy fu deydey golle mum.

Piyer Ɗiɗaɓol 3:8

Banniraaɓe am yiɗaaɓe, to on jeggitee no to Joomiraawo, nyalaane woore e wa'i hande duuɓi ujuneere, duuɓi ujuneere bo e wa'i hande nyalaane woore.

Kollitinki 22:20

Ceediiɗo kujje ɗee wi'i: ''E gooŋa, mii wara, ɓooyataa!'' Aami! War Yeesu Joomiraawo!

Matiye 24:15

«Gam majjum, to on ji'ii ‟karmuɗum, nyidduɗum ”, ɗum annabi Daniyel batannoo e darii dow nokkuure ceniine, den sey janŋooɓe ka waɗa hakkillo .

Roma 13:12

Jemma jenŋii, nokkuuje faanake weetugo. Gam majjum, en accee waɗugo golle niwre, en ɓornee kaɓirɗum ɗum jayŋol.

Kollitinki 3:11

Mi faanake warugo. Joga ko gooduɗaa e semme, gam to goɗɗo etta meetalol maa.