Kollitinki 1:1 - Bible Fulfulde Bénin New Testament

¹ Dewtere nee ɗo, e batana haalaaji asiiri ko Yeesu *Almasiihu holliti. Alla hollii mo ɗum, gam o holla gollotooɓe makko ko waroyta, ɓooyataa. Yeesu Almasiihu lilii malaykaajo mum gam o annina ɗum Yuhaana, maccuɗo makko.

Kollitinki 1:1 Referans Kwoze

Kollitinki 22:16

Min Yeesu, mi lilii malaykaajo am, o seedoo kujje ɗe der eklesiyaaji. Min woni mo lenyol Dawda, e taaniiko, min woni hoodere fajiri jalboore!

Kollitinki 22:6

Malaykaajo on wi'immi: "Haalaaji ɗii ɗo e laatii gooŋa, ɗii laatii kooliniiɗi bo. Alla Joomiraawo gattuɗo haala mum der annabiiɓe, lili malaykaajo mum gam o holla jeyaaɓe makko ko waroyta, ɓooyataa."

Galaatiya 1:12

Neɗɗo bane hokkimmi ka, neɗɗo bane janŋinimmi ka bo, amma Yeesu *Almasiihu hollitanii am, hokkimmi ka.

Efesu 3:3

O hollitanake am, o faaminimmi asiiri ko o resi o waɗa. Kanjum nun binnanmi on e haala seɗɗa.

Kollitinki 1:19

Gam majjum, winnu ko ji'ataa, ko waɗotoo, e ko waɗoytoo yeeso.

Kollitinki 1:9

Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Yuhaana 3:32

Ko o yi'i e ko o nani, o seedotoo, amma goɗɗo jaɓataa seedaaku makko.

Yuhaana 15:15

Mi noddataa on kade maccuɓe gam maccuɗo annaa ko joomum gollata. Mi noddan on weldiiɓe gam ko nanumi diga *Baaba am fu, mi anninii on ɗum.

Kollitinki 4:1

Ɓaawo majjum, ji'umi dammugal gom e maɓɓitii dow kammu. Daane ne nanunoomi e baddammi arande, nandune e galalɗi puureteeɗi, wi'immi: "Eencu ɗo, mi hollee ko waroyta yeeso."

Yuhaana 12:49

Gam mi batanay hoore am, amma *Baaba lilɗo am hokkimmi ko bi'anmi e ko janŋinammi.

Yuhaana 8:26

Mii woodi huune ɗuuɗɗum ko batanmi, e ko kiitotoomi dow mon. Amma liloyɗo am laati nun gooŋaajo. Ko nanumi e makko, batanmi duuniyaaru.»

Kollitinki 21:2

Ji'umi wanŋarde ceniine, waato *Urusaliima kesol e jippoo diga dow kammu, diga to Alla. Ŋol siriyake hande debbo ciriyiiɗo fotta e gorum.

Roma 16:25

Yettoore laatanoo Alla! Oo woodi baawɗe semmiɗingo on der goonɗinki, hande no *linjiila ka baajotoomi batiri. *Linjiila kan laati nun habaru Yeesu *Almasiihu, eka hollita laabi Alla cuuɗiiɗi diga ɗum ɓooyi.

Yuhaana 17:8

Gam mi yottinii ɓe haala ka kaalanɗaa am. Ɓe jaɓii ka. Ɓee anni lalley to maaɗa ƴiwmi, ɓe goonɗinii an lilimmi.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Kollitinki 5:7

Jawgiyel ŋel wari jaɓi dewtere nen diga e junŋo nyaamo jooɗiiɗo dow kittaal laamu.

Kollitinki 17:1

Ɓaawo majjum, gooto der malaykaaɓe jeeɗiɗo, jogiiɓe jarirkon jeeɗiɗon wari, wi'immi: «War mi hollee no kaaruwaajo mawɗo, jooɗiiɗo dow diyeele ɗuuɗɗe hiitortee.

Kollitinki 19:9

Malaykaajo wi'immi: "Winnu: ‟Barke woodani noddinaaɓe nyaamɗe teegal *Jawgiyel!" O wi'immi kade: "Haala Alla gooŋaha ka o bati nun ɗon."

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 21:9

Ɓaawo majjum, gooto der malaykaaɓe jeeɗiɗo jogiinooɓe jarirkon jeeɗiɗon kebbukon boneeji jeeɗiɗi cakitiiɗi, wari, baddimmi wi'i: «War mi hollee jommanjo debbo, debbo *Jawgiyel.»

Kollitinki 22:1

Ɓaawo majjum, malaykaajo hollimmi maayo diyam yonki. Diyam ɗam e laaɓi hande daanorgal. Maayo ŋon e ƴiwa diga kittaal laamu Alla, e *Jawgiyel.

Kollitinki 22:8

Min, Yuhaana, min nani kujje ɗee, yi'i ɗe. Ɓaawo no nanumi, ji'umi ɗe, jicciimi yeeso malaykaajo kolluɗo am ɗe, gam mi sujidana mo.

Kollitinki 22:9

Amma o wi'immi: "Taa waɗu ɗum, min bo, mi laati nun jaggiiɗo hande maa, e banniraaɓe maa annabiiɓe, e ɗowtaniiɓe haalaaji gonuɗi der dewtere nee ɗo. Sujidan Alla!"