Filippi 4:8 - Bible Fulfulde Bénin New Testament

⁸ Banniraaɓe am, ko horii wi'ugo on woni, miilanee ko laatii gooŋa, ko foti teddineego, e poonnitiiɗum, e laaɓuɗum, e kaanuɗum yiɗeego, e ko manetee, e kaanuɗum yetteego, e ko haani maanteego.

Filippi 4:8 Referans Kwoze

Yaakuuba 3:17

Amma aran hakkillo ƴiwuŋo to Alla e laaɓi, ɓaawo mum ŋoo wadda jam, ŋoo heewi ɗiggere, e enɗam, ŋo riman golle booɗɗe. Gooduɗo hakkillo iri ŋon seennontirtaa himɓe. Munaafitaare walaa e makko.

Titus 2:7

An e hoore maa, laatana ɓe misaalu der golle booɗɗe fu. Ekkitin ɓe ekkitinol gooŋawol, e pottuŋol.

Korintu ɗiɗaɓol 8:21

Gam hinaa yeeso Joomiraawo tan men dartata ko wooɗi, amma yeeso himɓe bo.

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Iburaninkeeɓe 13:18

Du'anee men, gam emen kooli, ɓerɗe amen e laaɓi, men tokkoto bo waɗugo ko wooɗi der becce fu.

Timote Aranol 4:12

Taa accu goɗɗo yawee gam aa laatii gojankeejo. Amma laatana goonɗinɓe misaalu diga e haala maa, e gaɗu maa, e yidde maa e goonɗinki maa, e laaɓal maa.

Efesu 5:9

Gam ko jayŋol rimata woni: geetaaku e foonnitaare e gooŋa fu.

Titus 1:8

Amma sey joomum e laatii bernoowo hoɓɓe, jiɗuɗo ko wooɗi, mo hakkillo, poonnitiiɗo, laaɓuɗo, nantiiɗo.

Yuhaana Aranol 3:3

Gooduɗo tammuwe nen dow Almasiihu, laaɓinan hoore mum hande no kanko Almasiihu o laatori laaɓuɗo.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Titus 3:14

E haani himɓe meeɗen bo ekkitoo waɗugo golle booɗɗe. Ɓe balla haajaaɓe walleego gam to kamɓe wallooɓe ɓen ɓe gonoo baanji.

Roma 13:13

En gonee hande no haani wonuɓe der nyalooma wonira. En accee deereraaku e jarɗe, accen bo jeenu e suunooji baanji baanji, accen kaɓe e nawniraagu.

Yaakuuba 1:27

Diina laaɓuka, seniika yeeso Alla *Baaba meeɗen nani: Wallugo goonɗaaɓe e rewɓe talakaaɓe ɓe worɓe mum maayi, e reenugo hoore mum e tuuni duuniyaaru.

Yuhaana Aranol 3:18

Sukaaɓe am, haanay yidde meeɗen laatoo e haala belka tan, sey ka laatoo e gaɗu gooŋawu.

Titus 2:2

Worɓe nayeeɓe, batu ɓe no haani ɓe laatoo nantiiɓe, fotuɓe teddineego, hakkilɓe. Ɓe laatoo ɓe goonɗinki mum yanɗi, ɓe gooda yidde e munyal.

Korintu ɗiɗaɓol 13:7

Emen eela Alla to on gaɗee kalluɗum baa seɗɗa. Hinaa gam hollitingo emen goodi gooŋa. Amma emen jiɗi gaɗon ko wooɗi, baa to e nandi hande men galaa gooŋa.

Koloosi 4:5

Kakkilanee gondal mon e himɓe ɓe goonɗinay. De keɓuɗon wakkati fu, nafitoree ki.

Piyer Aranol 4:8

Ko ɓuri fu, jiɗontiree e yidde hebbune, gam yidde e yaafoo hakkeeji ɗuuɗɗi .

Roma 13:3

Gaɗoowo ko wooɗi hulaataa mawɓe genni, sey gaɗoowo ko halli. A yiɗaa aa huli laamiiɓe na? waɗu ko wooɗi, den ɓe manete.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Filippi 3:1

Banniraaɓe am, ko horii wi'ugo on woni: Ceyoree Joomiraawo. Mi somataa maytitaago goota kan der binni am, gam kanjum tabbitinta faamu mooɗon.

Roma 2:29

Yahuduujo e gooŋa, woni laatiiɗo ɗum diga der. Juulnol gooŋakuwol bo woni ŋol Ruuhu waɗata der ɓerne, hinaa ŋol tawreeta waɗata. Iri Yahuduujo on, Alla nun manata ɗum, himɓe bane.

Timote Aranol 2:2

Du'anee laamiiɓe, e mawɓe leydi fu. Du'ee gam gonoɗen e jam, e deƴƴere der kulol Alla, heɓa himɓe ɗowtanoo neɗɗaaku men.

Timote Aranol 5:10

O laatoo anniraaɗo waɗugo ko wooɗi, hande jon: ummingo sukaaɓe mum hande no haani, oo laatii bernuɗo hoɓɓe, e lootuɗo koyɗe goonɗinɓe, e balluɗo toorotooɓe. Laatoo bo o waɗii gaɗuuji geeti ɗuuɗɗi.

Efesu 6:14

To non, ummee daree. Kaɓɓee gooŋa hande ɓelɓelol e punŋuli mooɗon. Ɓornee foonnitaare hande toggoore janni ne konu.

Tesalonika Aranol 4:12

Den kan, himɓe ɓe jaɓay Alla teddinan on, on laatantaako bo goɗɗo doongal.

Efesu 4:25

Ton non, accee batugo fewre, moy mon fu bata bannun gooŋa, gam en fu, en laati nun jokkule ɓannu gootol.

Korintu ɗiɗaɓol 6:8

Woɓɓe e teddina men, woɓɓe e yawoo men. Woɓɓe e batana men geeta, woɓɓe e batana men kalluka. Emen daaree fewooɓe, baa no gooŋa men batata.

Golle Lilaaɓe 10:22

Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men noddee, garaa suudu makko, gam heɓa o nana waaju maa.»

Yuhaana 7:18

Batanoowo hoore mum, hoore mum nun daartanta tedduŋal. Amma daartoowo tedduŋal liloyɗo ɗum, oo ɗon gooŋa nun batata, fewre walaa e makko.

Luka 2:25

Gorko gom e tawano *Urusaliima, inne makko nun Simeyon. Gorko poonnitiiɗo nun, kulɗo Alla. Oo hettiniino garoowo moyta gonɗi Isira'iilaaɓe. *Ruuhu Ceniiɗo e woni dow makko.

Marku 6:20

Eroodu e hula Yuhaana, gam oo anni gorko on poonnitiiɗo nun, laaɓuɗo, kan waɗi oo reeni mo. Oo yiɗa nanugo haala makko, amma de o nani ka fu, sey hakkillo makko wemmoo.

Luka 16:15

Yeesu wi'i ɓe: «Oon gaɗa yeeso himɓe hande foonnitiiɓe, amma Alla e anni ɓerɗe mon. Gam ko himɓe teddinta, laati nun ko nyiddi yeeso Alla.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Golle Lilaaɓe 22:12

Gorko gom bi'eteeɗo Ananiyas, gorko kulɗo Alla, tokkuɗo tawreeta Muusa, mo *Yahuduuɓe Damas fu batanta geeta,

Yuhaana Aranol 4:1

Banniraaɓe am yiɗaaɓe, to on goonɗinee wi'ooɓe e woodi *Ruuhu Alla fu, amma biɗitee ɓe, heɓa anniton naa to Alla ɓe ƴiwi. Gam annabiiɓe fewooɓe ɗuuɓɓe e sankitii der duuniyaaru.

Timote Aranol 5:2

Rewɓe manŋusuuɓe, baddu ɗum hande inniraaɓe maa, saaŋooɓe bo, hande sakikiraaɓe maa. Waɗu ɗum e miilooji laaɓuɗi.

Luka 23:50

E woodi goɗɗo bi'eteeɗo Yusufu, o laati nun neɗɗo geeto, poonnitiiɗo, oo tawaa der waalde dawrooɓe.

Timote Aranol 3:4

O laatoo ardaniiɗo saare makko no wooɗiri. O elta ɓiɓɓe makko faa ɓe ɗowtanoo mo, ɓe teddina mo.

Golle Lilaaɓe 6:3

Gam majjum banniraaɓe, cuɓee hakkune mooɗon worɓe jeeɗiɗo ɓe kooliɗon, hebbuɓe *Ruuhu Ceniiɗo e faamu, gam men jowana ɓe golle ɗen.

Matiye 22:16

Ɓe lili aahiiɓe maɓɓe woɓɓe, e ɓe *Eroodu, ɓe bi'i mo: «Moodibbo, emen anni a laati nun gooŋaajo. E gooŋa nun janŋinirtaa laawol Alla, a hulataa bo himɓe, gam a ɓurontirtaa himɓe.

Iburaninkeeɓe 11:2

Sabbu goonɗinki nun himɓe arandeeɓe heɓiri seedaneego geeta yeeso Alla.

Timote Aranol 3:11

Hande non rewɓe bo, sey ɓe laatoo fotuɓe teddineego. Haanay ɓe laatoo nyo'ooɓe himɓe, amma ɓe laatoo nantiiɓe, hooliniiɓe der huune fu.

Korintu ɗiɗaɓol 8:18

Men lilii mo, kanko e banniraawo mo eklesiyaaji fu seedantoo geeta, sabbu golle ɗe o waɗi gam *linjiila.

Piyer Ɗiɗaɓol 3:1

Banniraaɓe am yiɗaaɓe, ɗerewol ŋol ɗo nun laatii ɗiɗaɓol ŋol binnanmi on. Der ɗereeji ɗiɗi ɗii fu, mii yiɗi finningo hakkillooji mooɗon gam wallugo on miilon no wooɗiri, ciwtoron ko ekkitinoɗon.

Roma 14:18

Golliranoowo Almasiihu hande non, fottanan Alla, himɓe bo yettan mo.