6 To on accee ɓerɗe mooɗon biisoo gam goɗɗum, amma huune fu kollee ɗum Alla. Du'ee, eelee, eelitee, jettee Alla.
Doontiree sugullaaji mooɗon fu dow makko, gam emo hakkilani on.
Gam majjum to on nandee e maɓɓe, gam Baaba mooɗon e anni ko kaajaɗon diga on eelay ɗum.»
Tinnee der du'aare, deenee, oon jetta Alla.
Wakkati fu gaɗee du'aaje feere feere. Eelee ballal Alla hande no Ruuhu Ceniiɗo hollitirta on. Deenee e tinnaare! To on accee du'anaago himɓe Alla.
Ko batoton e ko gaɗoton fu, gaɗee ɗum e inne Yeesu Joomiraawo. Jettee Alla *Baaba meeɗen diga e makko.
Yeesu waɗani ɓe ballool ŋol ɗo gam o holla ɓe no haani ɓee du'o wakkati fu, to ɓe comu.
Ɓaawo majjum Yeesu bati aahiiɓe mum wi'i: «Gam majjum bi'anmi on: ‟To on miilanee gonki mon dow ko nyaamoton, naa bo dow ɓalli mooɗon, ko ɓornotoɗon.”
Accee jam *Almasiihu laamanoo miilooji mooɗon, kanjum Alla noddani on, gam laatoɗon ɓannu gootol. To non, jettee mo.
Jettee Alla *Baaba wakkati fu e gam huune fu, e inne Joomiraawo meeɗen Yeesu *Almasiihu.
Joomiraawo toontii mo wi'i: «Hey Marta! Marta! Aa ɓilla hoore maa, aa tooroo gam huune ɗuuɗɗum,
Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na?
To on jaaraama yeeso hiitotooɓe, to on miilee no batiroyton e ka batoyton. Gam on kokkete ka batoyton wakkati mum.
Onon, to on miilanee ko nyaamoton e ko jaroton, to on ɓillee ko'e mon dow majjum.
Onon bo, oon ballita men e du'aaje mon. Ɗuuɓɓe e du'anoo men. Alla bo jaɓan du'aaje ɓe gaɗanta men, den ɗuuɓɓe yetttan mo sabbu amen.
Ko jiɗumi woni, burtoɗon e sugullaaji. Mo ɓaŋay e hiinnitano golle Joomiraawo, ko fottanta Joomiraawo tan o dartata.
Huune fu ɓadake heennyugo, gam majjum gaɗee hakkillo, jogee ko'e mon gam gaɗon du'aaje.
Goɗɗo e nandi e awdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkol.
To jeyaaɗo nun laatinoɗaa go Alla noddu maa, taa accu ɗum ɓillee. Amma to a heɓii laawol no dimɗirtaa, taa yeeba ɗum.
To on cukulanee gam jaaŋo, jaaŋo sukulanto hoore mum. Nyalaane fu, toora mum heƴii ɗum.»
Ka batanmi on aran nani: Eelee, eelitee. Du'ee, jettee Alla gam himɓe fu.
Debbo gowniijo, mo walaa kiinnotooɗo ɗum, go e woni kan tan, yowii hoolaare mum dow Alla. Jemma e nyalooma, oo tinnii, oo eela ballal Alla.