Filippi 3:8 - Bible Fulfulde Bénin New Testament

⁸ E gooŋa, mi daarii huune fu baanji, gam mi heɓii ko ɓuri ɗum teddugo, kan woni annugo Yeesu Almasiihu Joomiraawo am. Gam makko, mi majjinii huune fu, daarumi ɗum hande buuri, gam mi heɓa mo,

Filippi 3:8 Referans Kwoze

Roma 8:18

Mii anni tooraaji meeɗen ɗi jooni, foonnataako e tedduŋal garoowal, ŋal Alla suppitinanoyta en.

Golle Lilaaɓe 20:24

Amma mi daaray yonki am hande kii laatanii am tedduki, mi heɓa ni yottinoygo e welwelo golle ɗe Yeesu Joomiraawo halfinimmi, kanje woni waajaago *linjiila ka moƴƴere Alla.

Filippi 3:7

Ɗum ɗon fu daarunoomi hande riiba, amma jooni mi daarii ɗum baanji gam Almasiihu.

Yuhaana 17:3

Annugo an woni Alla gooto, gooŋaajo, e lilaaɗo makko Yeesu *Almasiihu, kan woni yonki tabitiiki.

Filippi 3:10

Min kan, sago am woni annugo Almasiihu e baawɗe pintol mum, mi heɓa geɗu am der toora makko faa mi nanda mo der maayde makko,

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Korintu Aranol 2:2

Mi yiɗayno waajaago on goɗɗum feere to hinaa Yeesu *Almasiihu e no o tiggiraa dow *leggal palaaŋal.

Yuhaana Aranol 5:20

Een anni bo *Ɓiɗɗo Alla wari, hokkii en hakkillo annitingo Alla gooŋaajo, jooni kanko woodi en, gam en kawti e Ɓiɗɗo makko Yeesu *Almasiihu. Yeesu Almasiihu on woni Alla gooŋaajo, kanko woni yonki tabitiiki bo.

Yuhaana 17:8

Gam mi yottinii ɓe haala ka kaalanɗaa am. Ɓe jaɓii ka. Ɓee anni lalley to maaɗa ƴiwmi, ɓe goonɗinii an lilimmi.

Yuhaana 14:20

Nyaanne muuɗum on paamaan mii hawti e *Baaba, oon kawti e am, mii woni e mooɗon.

Iburaninkeeɓe 3:14

To en jogake hoolaare men arandeere e semme faa heennyitirde, den en laatike hawtuɓe e *Almasiihu.

Korintu ɗiɗaɓol 4:6

Alla bi'uɗo: «Jaayŋol yayna der niwre,» kanko yaynini jayŋol mum der ɓerɗe amen, gam kolliten annal tedduŋal makko ji'eteeŋal dow yeeso Almasiihu.

Yuhaana 14:7

To oon annunoo am, on annanno Baaba am bo. Diga jooni oon anni mo, on ji'ii mo.»

Efesu 4:13

Hande non tinnortoɗen keɓen goonɗinki gooti, e annal *Ɓiɗɗo Alla gootal, laatoɗen mawɓe, jottoɗen to Almasiihu woni laatoɗen hande no o wa'i.

Piyer Ɗiɗaɓol 3:18

Mawnee der moƴƴere e annugo Joomiraawo meeɗen Yeesu *Almasiihu kisinoowo en! Tedduŋal laatanoo mo diga jooni faa abada! Aami!

Yuhaana Aranol 1:3

Ko men ji'i, e ko men nani, kan men batata on onon bo, gam laatoɗon gootum e amen hande no laatoriɗen gootum e Baaba e *Ɓiɗɗo mum Yeesu *Almasiihu.

Timote Ɗiɗaɓol 4:6

Amma min, mi ɓadike laataago sadaka, hande kiriseteeɗi, wakkati yawtugo am ɓadake.

Yuhaana 20:28

Toma toontii mo: «Joomam, Alla am.»

Yuhaana 16:3

Ɓe gaɗan ɗum nun gam ɓe annaa *Baaba, ɓe annaa am, min bo.

Yuhaana Aranol 2:19

Caka men ɓe ƴiwi, amma e gooŋa ɓe laataaki ɓe meeɗen. Gam to ɓee laatino ɓe men, ɓe gondanno e meeɗen. Amma ɓe accii en gam ɗum hollita no ɓe fu, ɓe laataakino ɓe meeɗen.

Piyer Aranol 2:7

Onon goonɗinɓe, hayre nee e woodi tedduŋal dow mooɗon, amma dow ɓee ɗo goonɗinay, Dewtere wi'i dow maɓɓe: «Hayre ne mahooɓe woppi Kayre laatii ɓurune fottugo der gooraare suudu,

Galaatiya 1:16

O hollitii am Ɓiyiiko gam mi waajoo heeferɓe habaru makko. Wakkati mum, mi seedinay goɗɗo.

Korintu ɗiɗaɓol 4:4

Kamɓe, ɓe goonɗinay, gam Seyɗan wuminii hakkillo maɓɓe. O waɗii ɗum gam to ɓe ji'u jayŋol linjiila kolloowa tedduŋal *Almasiihu, laatiiɗo nandi Alla.

Korintu Aranol 9:10

E gooŋa enen bane batanaa ka na? Enen nun batanaa haala ka, gam demoowo e duggoowo fu waɗa golle muuɗum e miiliri heɓugo geɗu mum.

Yuhaana 20:13

Malaykaaɓe ɓen ƴami mo: «Debbo, ume bullantaa?» O toontii ɓe: «Moodibbo am ikkinaama, mi annaa to o wattaa.»

Luka 11:20

Amma to e baawɗe Alla nun diiwiranmi ginnaaji, eɗum hollita no *Laamaare Alla yottake on.

Luka 1:43

Noy ɗum waɗi go inna Joomiraawo am wari to am?

Roma 8:39

baa baawɗeeji gonuɗi dow, ɗum bo baawɗeeji gonuɗi ley, to ɗum bo tagaaɗum gom, walaa e majjum ko seennata en e yidde Alla nee ɗo hawti en e Joomiraawo meeɗen Yeesu Almasiihu.

Filippi 1:1

Min Pol e Timote, maccuɓe Yeesu *Almasiihu, winnani seniiɓe hawtuɓe e Yeesu Almasiihu wonɓe Filippi ɗerewol ŋol, e onon ardiiɓe e gollotooɓe der eklesiya.

Filippi 3:12

Mi wi'ay mi heɓii ko keɓal am, naa bo mii kebbuɗo, amma emi jokki doggudu am gam mi happa ŋal law. Min e hoore am Yeesu *Almasiihu happii am.

Piyer Ɗiɗaɓol 1:2

Alla ɗuuɗinana on moƴƴere e jam gam oon anni mo, kanko e Joomiraawo meeɗen Yeesu.

Piyer Ɗiɗaɓol 1:8

To huune ɗum fu oon jogii ɗum no wooɗi, ko e ɗum ɓeydo der mooɗon, ɗum wallan on ɓeydaago yeeso yeeso der annugo mooɗon Joomiraawo meeɗen Yeesu *Almasiihu.