Filippi 2:3 - Bible Fulfulde Bénin New Testament

³ To on gaɗee goɗɗum e miilooji ɓurontiro, naa bo e manŋu hoore; amma leesinee ko'e mon, moy mon fu daara woɓɓe hande ɓuruɓe ɗum.

Filippi 2:3 Referans Kwoze

Roma 12:10

Jiɗontiree e yidde banniraagu. Moy mooɗon fu teddina banniraawo mum, ɓurina hoore mum.

Galaatiya 5:26

To en mawnitee, to en corkontiree, to en gaɗontiree nawniraagu.

Efesu 5:21

Moy mooɗon fu ɗowtano banniraawo mum gam teddingo Almasiihu.

Efesu 4:2

Ɓuytee ko'e mon, laatee ɗigguɓe e munyuɓe. Munyanee himɓe e yidde.

Piyer Aranol 5:5

Onon gojankeeɓe ɗowtanee *dottiiɓe. On fu, ɓornee yakkinaare hande toggoore hakkune mon, gam e winnaa der Dewtere Ceniine: «Alla e haɓida mawnitiiɓe, amma ɓuytuɓe ko'e mum oo hokka ɓe moƴƴere makko.»

Filippi 2:14

Ko gaɗoton fu, to on dumbitee, to on kaɓee bo,

Galaatiya 5:15

Amma to oon ƴakkontira, oon nyaamontira hande dawaaɗi, kakkilee to on kalkontiree.

Timote Aranol 6:4

Himɓe ɓen laati nun mawnitiiɓe, ɓe annaa goɗɗum. Ɓee nyawi jeddi e biɗitiri haalaaji. Diga e majjum nawniraagu, e kaɓe, e jennooje, e biisugo bannun ƴiwata.

Luka 18:14

Mii wi'a on, kanko, o laatinaama poonnitiiɗo o hootiri wuro makko, amma Farisaajo on heɓay. Gam mawninɗo hoore mum fu leesinte, leesinɗo hoore mum bo mawninte.

Koloosi 3:8

Amma jooni, boppee kujje ɗee ɗo: mone, e ɓernugo, e haaɗugo reedu, e jennooje, e batugo kalluka.

Korintu ɗiɗaɓol 12:20

To mi warii to mooɗon, mii hula to mi tawu on nandaa hande no jiɗirmi. Onon bo tawiron am no on jiɗiraa. Mii hula kade to mi tawu on der jeddi e nawniraagu e mone e kaɓe e jennooje e nyoore e mawnitaare e dullere potal.

Korintu Aranol 3:3

gam jikku duuniyaaru nun jogii on taw. To nawniraagu e kaɓe e woni hakkune mooɗon, ɗum hollitintaa no jikku duuniyaaru nun jogii on na? Ɗum hollitintaa no ɓalli mooɗon nun jaalii on na?

Korintu Aranol 15:9

Gam min ɓuri lilaaɓe fu faanɗugo, mi fotay du noddeego lilaaɗo, gam mi tooriino eklesiya Alla.

Roma 13:13

En gonee hande no haani wonuɓe der nyalooma wonira. En accee deereraaku e jarɗe, accen bo jeenu e suunooji baanji baanji, accen kaɓe e nawniraagu.

Roma 2:8

Amma yiɗuɓe jeddi, e saliiɓe gooŋa, e tokki ko halli, mone e tikkere Alla yanan dow maɓɓe.

Koloosi 3:12

Alla suɓii on laatini on himɓe mum yiɗaaɓe. Gam majjum, goodee yurmeene mawne, e neɗɗaaku, e ɓuytugo hoore, e ɗiggere, e munyal.

Piyer Aranol 3:8

Ɓaawo majjum, on fu laatee wooduɓe miilo wooto, jurmontiree, jiɗontiree hande mawniraaɓe e miiraaɓe, enɗontiree, leesinee ko'e mon.