Filemon 1:9 - Bible Fulfulde Bénin New Testament

⁹ Amma, mii ɓuri yiɗugo, mi eelee gam yidde, min Pol *dottiijo, jooni bo mii maɓɓaaɗo sabbu Yeesu Almasiihu.

Filemon 1:9 Referans Kwoze

Efesu 4:1

Mii eela on, min maɓɓaaɗo der kasu gam Joomiraawo, goniree no fottiri hande no Alla noddiri on.

Korintu ɗiɗaɓol 5:20

To non, lilaaɓe gollantooɓe *Almasiihu men laatii. Alla nun waajotoo on diga e kunnuɗe amen. Emen eela on e inne Almasiihu: Jaɓee Alla weldina on e mum!

Roma 12:1

Banniraaɓe, mii eela on sabbu enɗam Alla. Kokkee mo ko'e mooɗon hande sadaka yonkinteha, ceniika, pottananka Alla. Kanjum woni sujida gooŋaha, kaanuka caafiron Alla.

Efesu 3:1

Min Pol, mii maɓɓaaɗo der kasu gam golle Yeesu *Almasiihu caka mooɗon, onon ɓe lenyi janani.

Piyer Aranol 2:11

Banniraaɓe am yiɗaaɓe, on laati nun hoɓɓe e jananɓe. Gam majjum mii eela on, boɗɗodee jiɗaali ɓannu dartooji halka yonkiiji mooɗon.

Iburaninkeeɓe 13:19

Mii eela on puy, gaɗon ɗum, heɓa Alla maɓɓitanammi laawol mi warta to mooɗon law.

Korintu ɗiɗaɓol 6:1

Menen, men gollidooɓe e Alla. Gam majjum emen eela on, to on accee moƴƴere Alla ne jaɓuɗon laatoo baanji.

Galaatiya 3:26

On fu, on laatake ɓiɓɓe Alla gam on goonɗini Yeesu *Almasiihu.

Efesu 6:20

Kanka nun laatiimi lilaaɗo mum, mii haɓɓiraa callalluuji. Du'anee am, gam mi waawa ko waajii ka e cuusal, hande no haaniri.

Timote Aranol 1:12

Mii yetta Joomiraawo meeɗen Yeesu *Almasiihu, kokkuɗo am semme. Mii yetta mo gam o daarii am koolaaɗo, o yowanimmi golle makko.

Titus 2:2

Worɓe nayeeɓe, batu ɓe no haani ɓe laatoo nantiiɓe, fotuɓe teddineego, hakkilɓe. Ɓe laatoo ɓe goonɗinki mum yanɗi, ɓe gooda yidde e munyal.