Filemon 1:20 - Bible Fulfulde Bénin New Testament

²⁰ An banniraawo am, waɗanam ɗum sabbu Joomiraawo, deƴƴitin ɓerne am gam kawtal men e *Almasiihu.

Filemon 1:20 Referans Kwoze

Yuhaana Tataɓol 1:4

Walaa ko ɓuri welingo ɓerne am, to hinaa nanugo no ɓikkol am e yaha der gooŋa.

Filemon 1:7

Banniraawo, ɓerne am seyake puy, hakkillo am fukkake bo, gam yidde maa deƴƴitinii himɓe Alla.

Filemon 1:12

Mii wittina mo to maaɗa, jaɓu mo hande min e hoore am.

Yuhaana Aranol 3:17

To jom jawdiijo yi'ii banniraawo mum e talakiɗi, ko yurmaaki mo, noy yidde Alla waawirta ko woni e makko?

Iburaninkeeɓe 13:17

Ɗowtanee ardiiɓe on, leesinee ko'e mon yeeso maɓɓe. Gam kamɓe nun reeni yonkiiji mooɗon, ɓe jottinan bo Alla golle maɓɓe. Kokkee ɓe laawol ɓe gaɗa golle maɓɓe e seyo, hinaa e dumbitaaɗe, gam ɗum nafataa on.

Filippi 4:1

Gam majjum, banniraaɓe am yiɗaaɓe, mii woodi kumpa yi'ugo on sanne, onon laatii seyo am, e tuutawal am, tabitee hande nun der kawtal mon e Joomiraawo, onon yiɗaaɓe am.

Filippi 1:8

Alla woni seedeejo am, mii yiɗi on on fu e yidde Yeesu Almasiihu.

Korintu ɗiɗaɓol 7:13

Gam majjum ɓerɗe amen deƴƴitii. Amma ɓaawo deƴƴitinki ɓerɗe amen, men ceyake sanne gam seyo Titus, mo pukkinɗon hakkillo muuɗum, on fu.

Korintu ɗiɗaɓol 2:2

Gam to mi biisii ɓerɗe mon, moy welinta ne am, to hinaa onon ɓe biisumi ɓerɗe mum?

Korintu Aranol 16:18

Ɓe pukkinii ɓerne am e ɓerɗe mooɗon. Gam majjum teddinee himɓe hande maɓɓe.