Filemon 1:17 - Bible Fulfulde Bénin New Testament

¹⁷ To a daarii am hande igo maa, den kan, jaɓu mo hande no jaɓirtaa am min e hoore am.

Filemon 1:17 Referans Kwoze

Korintu ɗiɗaɓol 8:23

Titus kan laati nun gonduɗo e am, gollodintooɗo e am caka mooɗon. Banniraaɓe meeɗen wonduɓe e makko bo e laatii lilaaɓe eklesiyaaji, ɓee teddina *Almasiihu.

Matiye 10:40

«Jaɓɓiiɗo on fu, jaɓɓike am, jaɓɓiiɗo am bo jaɓɓike liloyɗo am.

Filemon 1:12

Mii wittina mo to maaɗa, jaɓu mo hande min e hoore am.

Yaakuuba 2:5

Banniraaɓe am yiɗaaɓe, kettinee! Alla bane suɓi ɓe duuniyaaru daari talakaaɓe gam o hokka ɓe jawdi gooŋaari der goonɗinki, ɓe naata *Laamaare Alla ŋu o haɓɓani yiɗuɓe mo alkawru na?

Iburaninkeeɓe 3:1

Banniraaɓe goonɗinɓe, onon ɓe Alla noddi, gattee hakkillo mon dow Yeesu. Alla liloyi mo gam o laatoo hooreejo *Limaamiiɓe dow goonɗinki meeɗen ki ceedotoɗen.

Efesu 3:6

Nani ɗo no asiiri on laatori: Diga e *linjiila, ɓe lenyi janani heɓi geɗu mum der moƴƴereeji desaaɗi, hande no *Yahuduuɓe heɓiri. Ɓe laatake jokkule ɓannu gootol, ɓee goodi alkawal gootal gam ɓe kawtii e Yeesu Almasiihu.

Golle Lilaaɓe 16:15

Kanko e saare makko fu ɓe gaɗanaa *batisi. Ɓaawo mum o eeli men, o wi'i: «To on daarii am mii goonɗinɗo Joomiraawo, garee beeron wuro am.» O eyti men puy.

Matiye 25:40

Laamiiɗo on toontoto ɓe, wi'a: ‟E gooŋa batanmi on: ko gaɗanɗon gooto der ɓuruɗo faanɗugo caka sakikiraaɓe am ɓee, min nun gaɗanɗon ɗum.”

Matiye 18:5

Jaɓɓiiɗo sukayel pettel hande ŋel ɗo, e inne am, min nun joomum jaɓɓii.»

Yuhaana Aranol 1:3

Ko men ji'i, e ko men nani, kan men batata on onon bo, gam laatoɗon gootum e amen hande no laatoriɗen gootum e Baaba e *Ɓiɗɗo mum Yeesu *Almasiihu.

Piyer Aranol 5:1

Jooni emii badda *dottiiɓe eklesiya wonɓe caka mon, gam min bo mii dottiijo hande maɓɓe. Mi seedake tooraaji *Almasiihu, mi wonoto der tedduŋal ŋal o hollitoyta.

Iburaninkeeɓe 3:14

To en jogake hoolaare men arandeere e semme faa heennyitirde, den en laatike hawtuɓe e *Almasiihu.

Filemon 1:10

Mii eelee gam Onesimu ɓiyam mo keɓumi goonɗini der kasu.

Timote Aranol 6:2

Maccuɓe wooduɓe joomiraaɓe goonɗinɓe, to wi'u gam ɓee laatii banniraaɓe, ɓe teddintaa ɓe. Amma, ɓe jagganoo ɓe ɓura, gam goonɗinɓe yiɗaaɓe nun ɓe jaggantoo. Kanjum haani janŋinaa, baajoɗaa.

Filippi 1:7

E fotti, mii woodi miilooji ɗii dow mon on fu, gam mii watti on der ɓerne am. Gam baa no kaɓɓaami callalluuji gam mi seedanake linjiila tabbitinmi ka, on darorake am, on kawtii e am der moƴƴere ne.

Filemon 1:18

To o woofaniino maa, ɗum bo to o joganiino maa nyamaane, yowanam ɗum.