UMikha 4:6 - IBhayibhili Elingcwele LesiNdebele

⁶ “Ngalolosuku,” kutsho uThixo, “ngizabutha abaqhulayo; ngizaqoqa abathunjwayo lalabo engabehlisela usizi.

iBhayibhili Elingcwele 1978

⁶ Ngalolosuku, kutsho iNkosi, ngizababuthanisa abaqhulayo, ngiqoqe abaxotshiweyo lalabo engibahluphileyo.

UMikha 4:6 Referans Kwoze

UZefaniya 3:19

Ngalesosikhathi ngizababona bonke abalincindezelayo; ngizahlenga abaqhulayo ngibuthe lalabo abahlakazwayo, ngizabapha udumo lenhlonipho kuwo wonke amazwe lapho abahlaziswa khona.

UJohane 10:16

Ngilazo ezinye izimvu ezingasizo zalumhlambi. Lazo kumele ngizilethe. Lazo futhi zizalilalela ilizwi lami ukuze kube lomhlambi owodwa lomelusi oyedwa.

U-Isaya 56:8

UThixo Wobukhosi, yena oqoqa abaxotshwayo elizweni abako-Israyeli uthi: “Ngizaqoqela abanye kubo futhi ngaphandle kwalabo abavele sebeqoqiwe.”

AmaHubo 147:2

UThixo uyalakha iJerusalema; aqoqe labo abahlakazekileyo baka-Israyeli.

ULukha 19:10

Ngoba iNdodana yoMuntu yalanda ukudinga lokusindisa lokho okwakulahlekile.”

UMikha 2:12

“Impela ngizalibutha lonke, wena Jakhobe; impela ngizabaqoqela ndawonye abako-Israyeli abasalayo. Ngizabaqoqela ndawonye njengezimvu esibayeni, njengomhlambi wezimvu emadlelweni awo; indawo ibe lokuphithizela kwabantu.

UHezekhiyeli 36:24

Ngoba ngizakususa ezizweni; ngizakuqoqa emazweni wonke ngikubuyisele elizweni lakho.

UJeremiya 31:8

Khangelani, ngizababuyisa bevela elizweni lasenyakatho, ngibaqoqe emikhawulweni yomhlaba. Phakathi kwabo kuzakuba leziphofu labaqhulayo; abesifazane abazithweleyo labahelelwayo; ixuku elikhulu lizabuya.

UJeremiya 3:18

Ngalezonsuku indlu kaJuda izahlangana leka-Israyeli, njalo ndawonye, zivela elizweni elisenyakatho, zizakuza elizweni engalinika okhokho benu ukuba libe yilifa labo.

AmaHubo 38:17

Ngoba sengiseduze lokuwa, lobuhlungu bungiphethe njalonjalo.