UMatewu 24:44 - IBhayibhili Elingcwele LesiNdebele

⁴⁴ Ngakho lani hlalani lilindile, ngoba iNdodana yoMuntu izafika ngesikhathi leso elizabe lingayikhumbuleli sona.

iBhayibhili Elingcwele 1978

⁴⁴ Ngakhoke lanike hlalani lilungile, ngoba iNdodana yomuntu izakuza ngesikhathi elingasilindelanga.

UMatewu 24:44 Referans Kwoze

UMatewu 25:10

Kodwa kwathi besayathenga amafutha umyeni wafika. Izintombi ezazizilungiselele zangena laye edilini lomthimba. Umnyango wasuvalwa.

UMatewu 25:13

Ngakho lindani ngoba kalilwazi usuku loba ihola.”

UMatewu 24:42

Ngakho, lindani ngoba kalikwazi ukuthi iNkosi yenu izafika ngaluphi usuku.

ULukha 12:40

Lani hlalani lilindile ngoba iNdodana yoMuntu izafika ngesikhathi elingayilindelanga ngaso.”

AbaseFiliphi 4:5

Ukuthobeka kwenu kakubonakale kubo bonke. INkosi isiseduze.

UMatewu 24:27

Ngoba njengombane osuka empumalanga uhle ubonakale lasentshonalanga, kuzakuba njalo ukufika kweNdodana yoMuntu.

Isambulo 19:7

Kasithokozeni sijabule simuphe udumo. Ngoba umthimba weWundlu usufikile, lomlobokazi walo usezilungisele.

UJakhobe 5:9

Lingasolani bazalwane hlezi lahlulelwe. UMahluleli umi emnyango!

UMatewu 24:43

Kodwa zwisisani lokhu: Kube umninindlu wayekwazile ukuthi isela lizafika ngasiphi isikhathi sobusuku ngabe walinda kaze avumela ukuthi indlu yakhe igqekezwe.

ULukha 12:39

Kodwa zwisisani lokhu: Aluba umninindlu ubesazi ukuthi isela lizafika ngasiphi isikhathi ubengasoze ayekele indlu yakhe igqekezwe.

ULukha 21:36

Hlalani lilindile, likhulekele ukuthi liphephe kukho konke osekuzakwenzeka masinyane, lokuthi libe lamandla okuma phambi kweNdodana yoMuntu.”