UMatewu 24:35 - IBhayibhili Elingcwele LesiNdebele

³⁵ Izulu lomhlaba kuzedlula, kodwa amazwi ami kawayikwedlula lanini.”

iBhayibhili Elingcwele 1978

³⁵ Izulu lomhlaba kuzakudlula, kodwa amazwi ami kawayikudlula.

UMatewu 24:35 Referans Kwoze

U-Isaya 40:8

Utshani buyabuna, amaluba ayakhithika, kodwa ilizwi likaNkulunkulu limi kuze kube nininini.”

1 UPhethro 1:25

kodwa ilizwi leNkosi limi kuze kube nini lanini.” Njalo leli yilo ilizwi elatshunyayelwa kini.

AmaNani 23:19

UNkulunkulu kasumuntu, ukuthi angaqamba amanga, loba indodana yomuntu, yona eguquguqula ingqondo yayo. Kambe ukhuluma angenzi na? Uyathembisa angagcwalisi isithembiso na?

U-Isaya 55:11

linjalo lelizwi lami eliphuma emlonyeni wami: kaliyikubuya kimi lize, kodwa lizafeza engikufunayo liphumelelise lokho engilithume khona.

UMatewu 5:18

Ngilitshela iqiniso ukuthi kuze kunyamalale izulu lomhlaba kakuyikususwa lutho eMthethweni, loba libadlana kumbe lichatshana elilotshiweyo, kuze kupheleliswe konke.

Izaga 30:5

Wonke amazwi kaNkulunkulu akalamposiso; uyisihlangu kulabo abacatsha kuye.

U-Isaya 51:6

Phakamiselani amehlo enu phezulu emazulwini, likhangele lasemhlabeni phansi; amazulu azanyamalala njengentuthu; umhlaba uzaguga njengesigqoko abakhe kuwo bafe njengempukane. Kodwa insindiso yami izakuba khona kuze kube nininini, ukulunga kwami akuyikuphela.

U-Isaya 54:10

Lanxa izintaba zinganyikinyiswa, lamaqaqa asuswe, kodwa uthando lwami olungapheliyo kuwe kaluyikunyikinyiswa, kumbe isivumelwano sami sokuthula sisuswe,” kutsho uThixo olesihawu kuwe.

AmaHubo 89:34

Kangiyikusephula isivumelwano sami kumbe ngiguqule lokho okuphume ezindebeni zami.

UThithu 1:2

ukukholwa lokwazi okweyame ethembeni lokuphila okulaphakade okwathenjiswa ekudatshulweni komhlaba nguNkulunkulu

AmaHubo 102:26

Konke kuzabhubha, kodwa wena uzasala; konke kuzaguga njengesigqoko. Njengesivunulo uzakuguqula kucine sekulahlwa.

AmaHubo 19:7

Umthetho kaThixo uphelele uvuselela umphefumulo. Izimiso zikaThixo zithembekile, zihlakaniphisa izithutha.

Isambulo 3:14

“Ingilosi yebandla laseLodikheya ilobele uthi: La ngamazwi ka-Ameni, ufakazi othembekileyo loqotho, umbusi wendalo kaNkulunkulu.

Isambulo 6:14

Umkhathi wahlehla wagoqeka njengomqulu, kwathi izintaba zonke lezihlenge kwasuswa ezindaweni zakho.

Isambulo 20:11

Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho.

U-Isaya 34:4

Zonke izinkanyezi zasemazulwini zizanyamalala, umkhathi ugoqwe njengomqulu; wonke amaxuku ezinkanyezi azakuwa njengamahlamvu abunileyo evinini lanjengomkhiwa oswabileyo usiwa esihlahleni somkhiwa.

AmaHubo 119:89

Ilizwi lakho, Oh Thixo, kalipheli lanini; limi liqinile emazulwini.

UMakho 13:31

Izulu lomhlaba kuzedlula, kodwa amazwi ami kawayikwedlula lanini.”

ULukha 21:33

Izulu lomhlaba kuzedlula, kodwa amazwi ami kawayikwedlula lanini.

UDanyeli 4:28

Konke lokhu kwenzakala enkosini uNebhukhadineza.