UMatewu 16:4 - IBhayibhili Elingcwele LesiNdebele

⁴ Isizukulwane esixhwalileyo lesiphingayo sifuna isibonakaliso kodwa kasisoze sisiphiwe ngaphandle kwesibonakaliso sikaJona.” UJesu wasebatshiya wahamba.

iBhayibhili Elingcwele 1978

⁴ Isizukulwana esibi lesifebayo sifuna isibonakaliso, kodwa kasiyikunikwa sibonakaliso kuphela isibonakaliso sikaJona. Wabatshiya wahamba.

UMatewu 16:4 Referans Kwoze

UJona 1:17

Kodwa uThixo waletha inhlanzi enkulukazi yamginya uJona, uJona wahlala phakathi kwenhlanzi insuku ezintathu lobusuku obuthathu.

UMakho 8:38

Nxa umuntu eyangeka ngami kanye lamazwi ami kulesi isizukulwane esifebayo lesonayo, iNdodana yoMuntu izakuyangeka ngaye nxa isifika enkazimulweni kaYise lezingilosi ezingcwele.”

UMakho 8:12

Wakhokha umoya ngamandla wathi, “Kungani isizukulwane lesi sicela isibonakaliso? Ngiqinisile ngithi kini, kakulasibonakaliso esizakuphiwa lesisizukulwane.”

UMatewu 15:14

Bayekeleni; ngabakhokheli abazimpumputhe. Nxa impumputhe ihola impumputhe zombili zizawela egodini.”

UGenesisi 6:3

UThixo wasesithi, “UMoya wami kawuyikuphikisana lomuntu ngokungapheliyo, ngoba yena ngowenyama nje; insuku zakhe zizakuba likhulu elilamatshumi amabili kuphela.”

Imisebenzi 18:6

Kodwa kwathi lapho amaJuda emphikisa njalo emchothoza, wathintitha izembatho zakhe phambi kwawo wathi, “Igazi lenu kalibe phezu kwamakhanda enu! Mina sengiwenzile owami umlandu. Kusukela manje sengisiya kwabeZizwe.”

UHosiya 9:12

Loba bangaze bondle abantwana, ngizabemuka bonke. Maye kubo, lapho sengibadelile!

UHosiya 4:17

U-Efrayimi uhlangene lezithombe; myekeleni enjalo!

Imisebenzi 2:40

Wabaxwayisa langamanye amazwi amanengi; njalo wabancenga wathi, “Zisindiseni kulesisizukulwane esonakeleyo.”

U-Isaya 57:3

“Kodwa lina wozani lapha lina, madodana esanusekazi lina nzalo yezifebe leziphingi!

UJona 1:1

Ilizwi likaThixo lafika kuJona indodana ka-Amithayi lathi:

UMatewu 16:5

Bathi sebekhuphukele ngaphetsheya kwechibi, abafundi babekhohliwe ukuza lesinkwa.