UMakho 1:1 - IBhayibhili Elingcwele LesiNdebele

¹ Ukuqala kwevangeli ngoJesu Khristu, indodana kaNkulunkulu.

iBhayibhili Elingcwele 1978

¹ Nanku ukuqala kwevangeli likaJesu Kristu, iNdodana kaNkulunkulu.

UMakho 1:1 Referans Kwoze

UJohane 20:31

Kodwa le ibhaliwe ukuze likholwe ukuthi uJesu unguKhristu, iNdodana kaNkulunkulu, njalo ukuze kuthi ngokukholwa libe lokuphila ngebizo lakhe.

UMatewu 17:5

Wathi elokhe esakhuluma, iyezi elikhazimulayo labagubuzela, ilizwi elavela eyezini lathi, “Le yiNdodana yami engiyithandayo; ngiyathokoza kakhulu ngayo. Ilaleleni!”

UMatewu 4:3

Umlingi weza kuye wathi, “Nxa uyiNdodana kaNkulunkulu tshela amatshe la aphenduke abe yisinkwa.”

UMatewu 14:33

Kwathi labo ababesesikepeni bamkhonza bathi, “Ngempela uyiNdodana kaNkulunkulu.”

UMatewu 3:17

Ilizwi elavela ezulwini lathi, “Lo yiNdodana yami engiyithandayo; ngiyathokoza kakhulu ngayo.”

AbaseRoma 8:3

Ngoba lokho umthetho owawungelamandla okukwenza ngoba waxegiswa yimvelo elesono, uNkulunkulu wakwenza ngokuthuma iNdodana yakhe ngesimo somuntu olesono ukuba ibe ngumnikelo wesono. Ngakho isono yasilahla emuntwini olesono,

UJohane 1:14

ULizwi waba yinyama, wahlala phakathi kwethu. Siyibonile inkazimulo yakhe; inkazimulo yeNdodana eyiyo yodwa, eyavela kuYise, igcwele umusa leqiniso.

UJohane 6:69

Thina siyakholwa njalo siyazi ukuthi ungoNgcwele kaNkulunkulu.”

UJohane 3:16

UNkulunkulu walithanda ilizwe kangaka waze wanikela iNdodana yakhe eyiyo yodwa ukuze kuthi loba ngubani okholwa kuyo angabhubhi, kodwa abe lokuphila okungapheliyo.

UJohane 1:49

UNathaneli wasefakaza wathi, “Rabi, uyindodana kaNkulunkulu; uyiNkosi ka-Israyeli.”

UJohane 1:34

Sengibonile yikho sengifakaza ukuthi lo ungoKhethiweyo kaNkulunkulu.”

ULukha 1:35

Ingilosi yaphendula yathi, “UMoya oNgcwele uzakwehlela phezu kwakho, lamandla akhe oPhezukonke azakusibekela. Ngakho ongcwele ozazalwa uzathiwa yiNdodana kaNkulunkulu.

AmaHubo 2:7

Ngizasimemezela isimiso sikaThixo : Wathi kimi, “UyiNdodana yami; lamhla sengibe nguyihlo.

AbaseRoma 8:32

Yena ongayigodlanga iNdodana yakhe, kodwa wayinikelela thina sonke, angayekela kanjani ukusipha ngesihle izinto zonke kanye layo na?

Imisebenzi 1:22

kusukela ekubhaphathizweni kwakhe nguJohane kuze kufike esikhathini lapho uJesu athathwa khona kithi. Ukuze omunye wabo laba abe ngufakazi kanye lathi ngokuvuka kwakhe kwabafileyo.”

Imisebenzi 13:24

Mandulo kokufika kukaJesu, uJohane watshumayela ukuphenduka lokubhaphathizwa kubo bonke abantu bako-Israyeli.