ULevi 19:3 - IBhayibhili Elingcwele LesiNdebele

³ Ngulowo lalowo kini kahloniphe unina loyise, njalo kumele ligcine amaSabatha ami. Mina nginguThixo uNkulunkulu wenu.

iBhayibhili Elingcwele 1978

³ Wonke umuntu kahloniphe unina loyise. Gcinani amaSabatha ami; ngiyiNkosi uNkulunkulu wenu.

ULevi 19:3 Referans Kwoze

U-Eksodasi 20:12

Hlonipha uyihlo lonyoko ukuze impilo yakho ibende elizweni akunika lona uThixo uNkulunkulu wakho.

U-Eksodasi 20:8

Khumbula usuku lweSabatha ngokulwenza lubengcwele.

AmaHebheru 12:9

Phezu kwalokho, sonke sake saba labobaba abasilayayo njalo sabahlonipha ngenxa yalokho. Pho kufanele sizehlise kakhulu okungakanani kuBaba wemimoya yethu njalo siphile!

Izaga 30:17

Ilihlo elihleka uyise, elidelela ukulalela unina, lizakotsholwa ngamawabayi asesigodini, lizadliwa ngamanqe.

ULevi 11:44

NginguThixo uNkulunkulu wenu, zihlambululeni libengcwele, ngoba mina ngingcwele. Lingazingcolisi ngezinanakazana ezihuquzelayo emhlabathini.

U-Isaya 58:13

Nxa ugcina inyawo zakho zingephuli iSabatha, njalo ungenzi intando yakho ngosuku lwami olungcwele, nxa iSabatha ulibiza ngokuthi yintokozo njalo usuku lukaThixo olungcwele usithi lulodumo, njalo nxa uluhlonipha ngokungahambi ngendlela yakho, langokungenzi intando yakho loba ukukhuluma amazwi ayize,

Izaga 30:11

Bakhona abathuka oyise, abangababusisiyo onina;

Izaga 23:22

Lalela uyihlo owakuletha emhlabeni, njalo ungeyisi unyoko nxa eseluphele.

UDutheronomi 27:16

‘Kaqalekiswe umuntu othelela uyise loba unina ihlazo.’ Ngakho abantu bonke bazakuthi, ‘Ameni!’

U-Eksodasi 21:17

Wonke umuntu othuka uyise kumbe unina kumele abulawe.

U-Eksodasi 21:15

Wonke umuntu ohlasela uyise kumbe unina kumele abulawe.

U-Eksodasi 16:29

Kufakeni ezingqondweni zenu ukuthi uThixo ulinikile iSabatha, yikho ngelanga lesithupha elinika isinkwa esenela insuku ezimbili. Wonke umuntu kumele ahlale lapho ayabe ekhona ngelanga lesikhombisa. Akulamuntu okumele aphume phandle.”

UMalaki 1:6

“Indodana iyamesaba uyise, lenceku iyayesaba inkosi yayo. Aluba nginguyihlo kungaphi pho ukwesatshwa kwami? Aluba ngiyinkosi kungaphi ukuhlonitshwa kwami na?” kutsho uThixo uSomandla. “Yini, hawu baphristi, eleyisa ibizo lami. Kodwa lingabuza lithi, ‘Sileyise ngani ibizo lakho?’

UHezekhiyeli 20:12

Njalo ngabanika lamaSabatha ami njengesibonakaliso phakathi kwami labo, ukuze bakwazi ukuthi mina Thixo ngabenza baba ngcwele.

ULevi 26:2

Gcinani amaSabatha ami, lihloniphe indlu yami engcwele. Mina nginguThixo.

Izaga 1:8

Lalela, ndodana yami, izeluleko zikayihlo njalo ungadeli imfundiso kanyoko.

ULevi 19:30

Gcinani amaSabatha ami, lihloniphe indlu yami engcwele. Mina nginguThixo.

ULevi 23:3

“ ‘Kulensuku eziyisithupha elingasebenza ngazo, kodwa usuku lwesikhombisa liSabatha lokuphumula, usuku lomhlangano ongcwele. Lingenzi loba yiwuphi umsebenzi; kuzozonke izindawo elihlala kuzo, luliSabatha likaThixo.’ ”

UDutheronomi 5:16

Hlonipha uyihlo lonyoko, njengokulaywa nguThixo uNkulunkulu wakho, ukuze impilo yakho ibende lokuthi kukulungele elizweni uThixo uNkulunkulu wakho akunika lona.

UGenesisi 48:12

UJosefa wasebasusa emadolweni ka-Israyeli wakhothamela phansi ngobuso.

ULevi 19:25

Kodwa ngomnyaka wesihlanu lidle izithelo zazo. Ngaleyondlela, isivuno senu sizakwandiswa. Mina yimi uThixo uNkulunkulu wenu.

ULevi 19:31

Lingayi kwabayizangoma loba lidinge izanuse ngoba zizalingcolisa. Mina yimi uThixo uNkulunkulu wenu.

ULevi 19:34

Owezizweni ohlala phakathi kwenu kumele laye aphathwe njengowakini. Limthande njengoba lizithanda lina, ngoba lalingabezizweni eGibhithe. Mina yimi uThixo uNkulunkulu wenu.

UNehemiya 9:14

Wabazisa ngeSabatha lakho elingcwele njalo wabapha imilayo, lezimiso lemithetho ngenceku yakho uMosi.