UJoweli 1:4 - IBhayibhili Elingcwele LesiNdebele

⁴ Lokho okutshiywe ngumtshitshi wezintethe kudliwe yisikhongwane; okutshiywe yisikhongwane kudliwe yibuyane; okutshiywe yibuyane kudliwe ngezinye intethe.

iBhayibhili Elingcwele 1978

⁴ Okutshiywe yintothoviyane kwadliwa yisikhongwane; okutshiywe yisikhongwane kwadliwa liqhwagi; lokutshiywe liqhwagi kwadliwa yinswabanda.

UJoweli 1:4 Referans Kwoze

UJoweli 2:25

“Ngizalihlawula okwaleyo minyaka lokho okwadliwa zintethe, lesikhonyane lobuyane, ezinye izintethe kanye lemitshitshi yezintethe, ibutho lami elikhulu engalithumela kini.

uAmosi 4:9

“Ezikhathini ezinengi ngahlasela izivande zenu lezivini zenu, ngizihlasela ngesona langengumane. Izintethe zadla imikhiwa yenu lezihlahla zenu zama-oliva, kodwa kalibuyelanga kimi,” kutsho uThixo.

uAmosi 7:1

Nanku engakutshengiswa nguThixo Wobukhosi: Wayelungisa imitshitshi yezintethe emva kokuvunwa kwesabelo senkosi khonapho amabele esibili esakhula.

U-Isaya 33:4

Elakuthumbayo, lina zizwe, kubuthwa sengangathi kuqoqwa yisikhongwane, abantu beqela kukho njengomtshitshi wentethe.

AmaHubo 78:46

Amabele abo wawathela izintethe, izithelo zabo isikhongwane.

U-Eksodasi 10:4

Nxa usala ukuthi bahambe ngizaletha intethe elizweni lakho kusasa.

UJeremiya 51:14

UThixo uSomandla usefungile ngayo wathi: Impela ngizakugcwalisa ngabantu abangangesikhongwane, njalo bazaklabalala ngamacilongo ngaphezu kwakho.

AmaHubo 105:34

Wakhuluma zatheleka izintethe, izintethe ezingelakubalwa;

2 ImiLando 7:13

Nxa ngivala iphezulu ukuze kungabi lezulu, loba ngithumela intethe ukuchitha ilizwe, ingabe ngithumela isifo phakathi kwabantu bami,

UDutheronomi 28:38

Lizahlanyela inhlanyelo enengi emasimini enu kodwa lizavuna okuyingcosana, ngoba izikhongwane zizabhuqa amabele enu.

UJeremiya 51:27

“Phakamisani uphawu elizweni! Khalisani icilongo phakathi kwezizwe! Lungisani izizwe ukuba zilwe layo; ibizeleni imibuso le: i-Ararathi leMini kanye le-Ashikhenazi. Ibekeleni umlawuli wokulwa layo; lithumele amabhiza anjengomtshitshi wentethe.

1 AmaKhosi 8:37

Nxa kufika indlala kumbe isifo elizweni, ukukhunta lengumane, isikhongwane lemihogoyi, loba behanqwa yizitha kwelinye lamadolobho abo, loba yincithakalo enganani loba ngumkhuhlane onjani ongeza,

2 ImiLando 6:28

Nxa kufika indlala loba isifo elizweni, loba ingumane loba isikhwekhwe, intethe loba isikhongwane, loba izitha zibavimbezela loba kukuyiphi imizi yabo, loba kufika incithakalo kumbe umkhuhlane bani,

UDutheronomi 28:42

Isikhongwane sizabhuqa zonke izihlahla zenu kanye lamabele elizwe lenu.

U-Eksodasi 10:5

Zizakwembesa wonke umhlabathi usale ungasabonakali. Zizakudla ziphundle du lalokho okuncinyane okwatshiywa yisiqhotho kanye lezihlahla zonke ezikhula egangeni.

UMalaki 3:11

Ngizaxotsha izibungu ukuze zingadli amabele enu, lamavini emasimini enu kawayikukhithiza izithelo zawo,” kutsho uThixo uSomandla.