UJohane 1:3 - IBhayibhili Elingcwele LesiNdebele

³ Izinto zonke zenziwa ngaye; ngaphandle kwakhe kube akukho okwenziwayo.

iBhayibhili Elingcwele 1978

³ Zonke izinto zenziwa ngaye; langaphandle kwakhe kakwenziwanga lutho kukho konke okwenziweyo.

UJohane 1:3 Referans Kwoze

1 AbaseKhorinte 8:6

kodwa kithi kuloNkulunkulu oyedwa kuphela, uYise, okwavela kuye izinto zonke njalo okunguye esimphilelayo; njalo kuleNkosi eyodwa kuphela, uJesu Khristu, izinto zonke zeza ngaye njalo esiphila ngaye.

Isambulo 4:11

“Ufanele, Nkosi yethu loNkulunkulu wethu, ukwamukela udumo lenhlonipho kanye lamandla, ngoba wena wadala izinto zonke, njalo zadalwa ngentando yakho, njalo zilabo ubukhona bazo.”

AmaHubo 33:6

Ngelizwi likaThixo amazulu enziwa, ubunkanyankanya bezinkanyezi ngomoya womlomo wakhe.

UGenesisi 1:26

UNkulunkulu wasesithi, “Asenze umuntu ngesimo sethu langomfanekiso wethu ukuze abuse phezu kwenhlanzi zolwandle lezinyoni zemkhathini, phezu kwezifuyo, phezu kwawo wonke umhlaba laphezu kwazo zonke izinanakazana ezihuquzela emhlabathini.”

UJohane 1:10

Wayesemhlabeni, kodwa lanxa umhlaba wenziwa ngaye, umhlaba kawumazanga.

U-Isaya 45:18

Ngoba nanku okutshiwo nguThixo yena owadala amazulu, unguNkulunkulu, yena owabumba umhlaba wawenza, wawusekela; kawudalanga ukuba ungabi lalutho, kodwa wawenza ukuba kuhlalwe kuwo, uthi: “Mina nginguThixo, kakho omunye.

U-Isaya 45:12

Yimi engadala umhlaba, ngenza labantu abahlala kuwo. Ezami izandla yizo ezananabula amazulu; ngahlela amaxuku ezinkanyezi zawo.

AmaHubo 102:25

Ekuqaleni wabeka izisekelo zomhlaba, lamazulu angumsebenzi wezandla zakho.

Abase-Efesu 3:9

njalo ngikubeke obala ukuphatha kwami imfihlakalo le eyayifihliwe okweminyaka eminengi eyedlulayo kuNkulunkulu, owadala izinto zonke.

UGenesisi 1:1

Ekuqaleni uNkulunkulu wadala amazulu lomhlaba.

Izaga 8:30

Ngalesosikhathi ngangingumbumbi eceleni kwakhe. Ngangilenjabulo enkulu insuku ngensuku, ngithokoza ukuba laye kokuphela,

UJohane 1:2

WayeloNkulunkulu ekuqaleni.

AmaHebheru 11:3

Ngokukholwa siyezwisisa ukuthi izulu lomhlaba kwadalwa ngokulaya kukaNkulunkulu, ngoba okubonakalayo kakwenziwanga ngalokho okwakubonakala.

1 UJohane 5:1

Umuntu wonke okholwayo ukuthi uJesu nguKhristu uzelwe nguNkulunkulu, njalo umuntu wonke othanda uBaba uyamthanda lomtanakhe.

Isambulo 3:14

“Ingilosi yebandla laseLodikheya ilobele uthi: La ngamazwi ka-Ameni, ufakazi othembekileyo loqotho, umbusi wendalo kaNkulunkulu.