UJobe 11:2 - IBhayibhili Elingcwele LesiNdebele

² “Uthi amazwi wonke la angayekelwa ukuphendulwa na? Uwawane lolu luyekelwe nje lubheda?

iBhayibhili Elingcwele 1978

² Kambe kawayikuphendulwa amazwi amanengi kangaka na? Umuntu okhulumayo kakhulu wanda ukuba ngoqondileyo na?

UJobe 11:2 Referans Kwoze

Izaga 10:19

Lapho okwande khona amazwi, isono kasisweleki, kodwa lowo ogcina ulimi lwakhe uhlakaniphile.

UJobe 18:2

“Koze kube nini ulokhu uphethe emlonyeni? Nakana andubana sikhulume.

UJakhobe 1:19

Bazalwane bami abathandekayo, qaphelani lokhu: Umuntu wonke kumele aphange alalele, aphuze ukukhuluma, njalo aphuze lokuthukuthela

Imisebenzi 17:18

Ixuku lezazi zama-Ephikhuri lamaStoyikhi laphikisana laye. Abanye babo babuza bathi, “Uwumani lolu luzama ukuthini kanti?” Abanye bathi, “Kungathi utshumayela ngonkulunkulu bezizweni.” Bakutsho lokhu ngoba uPhawuli wayetshumayela izindaba ezinhle ngoJesu langokuvuka kwabafileyo.

AmaHubo 140:11

Akuthi abahlebayo bangatholi indawo elizweni; akuthi umnyama ubahlale izithende abantu bochuku.

UJobe 16:3

Zizaphela nini inkulumo zokubhuda kwenu lokhu? Kuyini okulihluphayo laphikelela nje lidaza inkani?

UJobe 8:2

“Koze kube nini ukhuluma izinto ezinjalo? Amazwi akho angumoya ophenquzayo.

UJobe 11:1

UZofari umNahama wasephendula wathi:

UJobe 15:2

“Kambe indoda ehlakaniphileyo ingaphendula ngeze nje loba igcwalise isisu sayo ngomoya otshisayo wempumalanga na?

UmTshumayeli 5:3

Njengephupho elifika nxa kulezinkathazo ezinengi, injalo inkulumo yesiwula nxa ilamazwi amanengi.

UmTshumayeli 5:1

Qaphela izinyathelo zakho nxa usiya endlini kaNkulunkulu. Sondela ulalele kulokuthi wenze imihlatshelo yeziwula ezingaziyo ukuthi ziyona.