UHosiya 14:8 - IBhayibhili Elingcwele LesiNdebele

⁸ Awu Efrayimi, kuyini futhi engingakwenza ngezithombe? Ngizamphendula ngimlondoloze. Mina nginjengesihlahla sephayini esiluhlaza, ukuthela kwakho izithelo kuvela kimi.”

iBhayibhili Elingcwele 1978

⁸ UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UHosiya 14:8 Referans Kwoze

UJobe 34:32

Ngifundisa lokho engingakuboniyo; nxa ngenze okubi, kangisayikuphinda ngikwenze.’

UJakhobe 1:17

Zonke izipho ezinhle lezipheleleyo zivela phezulu, zehlele phansi zivela kuYise wezibane zasezulwini, ongaguqukiyo njalo ongelathunzi lokuphenduka.

ULukha 15:20

Ngakho yaphakama yaya kuyise. Kodwa yathi isesebucwala uyise wayibona wayizwela isihawu; wagijimela kuyo indodana yakhe, wayigona, wayanga.

U-Isaya 55:13

Endaweni yesihlahla sameva kuzamila iphayini, lendaweni yokhula kuzamila isihlahla somithili. Lokhu kuzakwenza uThixo adunyiswe, kube yisibonakaliso esingapheliyo, esingayikudilizwa.”

U-Isaya 41:19

Enkangala ngizamilisa khona imisedari lemi-akhakhiya, amamithili kanye lama-oliva. Ogwaduleni ngizamisa izihlahla zamaphayini, ndawonye lemifiri kanye lemisiphresi,

1 AbaseThesalonika 1:9

ngoba bona ngokwabo bayabika ukuthi lasamukela njani. Bayatsho ngokuphendukela kwenu kuNkulunkulu lidela ukukhonza izithombe ukuba likhonze uNkulunkulu ophilayo loqotho

AbaseFiliphi 2:13

ngoba nguNkulunkulu osebenzayo phakathi kwenu ukuba lifune njalo lenze okumthokozisayo.

Abase-Efesu 5:9

(ngoba izithelo zokukhanya zikhona kubo bonke ubuhle lokulunga kanye leqiniso)

UJohane 1:16

Ngenxa yokujula komusa wakhe sonke sesamukele umusa emuseni esasivele siwuphiwe.

U-Isaya 60:13

Udumo lwaseLebhanoni luzakuza kuwe; zonke izihlahla ezamaphayini, umfiri lomsiphresi, ukuzehlobisa indlu yami engcwele; lendawo yezinyawo zami ngizayenza ikhazimule.

UJobe 33:27

Kuthi-ke abesebuya ebantwini athi, ‘Ngenza isono, ngahlanekela okulungileyo, kodwa kangisazuzanga obekungifanele.

AbaseFiliphi 4:13

Ngingazenza zonke izinto ngaye onginika amandla.

AbaseFiliphi 1:11

ligcwele izithelo zokulunga ezibuya ngoJesu Khristu ekudunyisweni lasekubongweni kukaNkulunkulu.

UHezekhiyeli 17:23

Ngizalihlanyela ezingqongeni zentaba yako-Israyeli; lizaveza ingatsha lithele lezithelo njalo libe ngumsedari omuhle. Izinyoni zezinhlobo zonke zizakwakhela izidleke zazo kuwo; zizathola ukusitheka emthunzini wezingatsha zawo.

UHezekhiyeli 36:25

Ngizakuchela ngamanzi ahlanzekileyo, uzahlambuluka; ngizakuhlambulula kukho konke ukungcola kwakho kanye lakuzo zonke izithombe zakho.