UDutheronomi 8:15 - IBhayibhili Elingcwele LesiNdebele

¹⁵ UThixo walikhokhela enkangala enkulu eyesabekayo, eyomileyo engelamanzi, elobuthi benyoka lenkume. Walinika amanzi aphuma edwaleni.

iBhayibhili Elingcwele 1978

¹⁵ yalihola enkangala enkulu leyesabekayo, eyayigcwele izinyoka ezilobuhlungu lezinkume, elomhlabathi owomileyo, lapho kwakungelamanzi khona. Yalivezela amanzi edwaleni eliqinileyo,

UDutheronomi 8:15 Referans Kwoze

AmaNani 21:6

Ngakho uThixo wasebathumela izinyoka ezazilobuhlungu obesabekayo kakhulu, zabaluma abantu bako-Israyeli abanengi bafa.

AmaNani 20:11

Ngakho uMosi waphakamisa ingalo yakhe watshaya idwala kabili ngentonga yakhe. Amanzi antshantshaza ephuma edwaleni, Kwathi abantu kanye lezifuyo zabo banatha.

UJeremiya 2:6

Kababuzanga ukuthi, ‘Ungaphi uThixo, owasikhupha elizweni laseGibhithe wasikhokhela emagangeni alugwadule phakathi kwelizwe lezinkangala lezindonga, ilizwe lokoma lobumnyama, ilizwe elingahanjwa muntu lelingelamuntu ohlala kulo?’

AmaHubo 114:8

owaphendula idwala laba lichibi, idwala eliqinileyo laba ngumthombo wamanzi.

UDutheronomi 1:19

“Kwathi-ke, njengoba uThixo wethu wayesilayile, sasuka eHorebhi saqonda ezweni lama-Amori elilamaqaqa sadabula inkangala enkulu eyesabekayo eseliyibonile, saze sayafika eKhadeshi Bhaneya.

UHosiya 13:5

Ngalilondoloza enkangala, elizweni elilokutshisa okuvuthayo.

1 AbaseKhorinte 10:4

banatha okunathwayo kunye komoya, ngoba banatha edwaleni lomoya elalihamba labo, njalo lelodwala lalinguKhristu.

U-Isaya 35:7

Itshebetshebe elitshisayo lizakuba yisiziba, umhlabathi owomileyo ube yimithombo echaphaka amanzi. Ezindaweni amakhanka ake ahlala kuzo, utshani lemihlanga lebhuma kuzakhula khona.

AmaHubo 136:16

Wahola abantu bakhe enkangala, uthando lwakhe lumi laphakade.

AmaHubo 105:41

Wavula ilitshe amanzi antshaza; njengomfula ageleza enkangala.

UDutheronomi 32:13

Wamkhweza engqongeni yelizwe wamondla ngezithelo zeganga. Wamondla ngoluju olwaluvela edwaleni, langamafutha aphuma ezingoxweni zeliwa,

U-Isaya 30:6

Isiphrofethi mayelana lezinyamazana zeNegebi sithi: kulolonke ilizwe lobunzima losizi, elezilwane lezilwanekazi, elamabululu lezinyoka ezeqayo izithunywa zithwala inotho yazo ngemihlane yabobabhemi, impahla yazo eligugu ziyithwale ngamalunda amakamela, zikusa ebantwini abangayikuba losizo kuzo.

U-Isaya 43:19

Khangelani, ngenza okutsha! Khathesi kuyavela ngokuphangisa; kalikuboni na? Ngenza indlela enkangala lezifula ogwaduleni.