UDutheronomi 32:3 - IBhayibhili Elingcwele LesiNdebele

³ Ngizaliphakamisa ibizo likaThixo. Yebo dumisani ubukhulu bukaNkulunkulu wethu!

iBhayibhili Elingcwele 1978

³ Ngizamemezela ibizo leNkosi. Vumani ukuthi mkhulu uNkulunkulu wethu.

UDutheronomi 32:3 Referans Kwoze

UJeremiya 10:6

Kakho ofana lawe, wena Thixo, wena umkhulu, lebizo lakho lilamandla amakhulu.

AmaHubo 150:2

Mdumiseni ngenxa yezenzo zakhe zamandla; mdumiseni ngenxa yobukhulu bakhe obudlula konke.

Abase-Efesu 1:19

lamandla akhe amakhulu angelakulinganiswa kithi thina esikholwayo. Amandla lawo afana lokusebenza kwamandla akhe amakhulu

UDutheronomi 5:24

Lathi, ‘UThixo wethu usitshengisile inkazimulo yakhe kanye lobukhosi bakhe, njalo silizwile ilizwi lakhe livela elangabini lomlilo. Lamuhla sesibonile ukuthi umuntu angaphila noma eke wakhuluma loNkulunkulu.

UJohane 17:26

Ngikuvezile wena kubo njalo ngizaqhubeka ukwenza ukuthi waziwe ukuze kuthi uthando olalo kimi lube ngolwabo njalo lokuthi mina ngokwami ngibe kubo.”

UJohane 17:6

“Ngikuvezile kulabo owangipha bona emhlabeni. Babengabakho; wangipha bona njalo labo balilalele ilizwi lakho.

UMatewu 1:23

“Intombi egcweleyo izakhulelwa izale indodana, bayibize ngokuthi ngu-Emanuweli” (okutsho ukuthi, “uNkulunkulu ulathi”).

UJeremiya 23:6

Ensukwini zayo uJuda uzasindiswa, lo-Israyeli ahlale evikelekile. Ibizo azabizwa ngalo yileli elithi: UThixo Oyikulunga Kwethu.”

1 ImiLando 29:11

Bungobakho, Oh Thixo, ubukhulu lamandla lodumo lobukhosi lenkazimulo, ngoba konke okusezulwini lokusemhlabeni kungokwakho. Bungobakho, Oh Thixo, ubukhosi; uphakeme wena phezu konke.

UDutheronomi 3:24

‘Oh Thixo wobukhosi, usuqalisile ukutshengisa inceku yakho ubukhulu bakho lesandla sakho esilamandla amakhulu. Kambe nguphi unkulunkulu ezulwini loba emhlabeni ongenza lokhu okwenzileyo lemisebenzi emikhulu oyenzayo?

U-Eksodasi 33:19

UThixo wasesithi, “Ngizakwenza ukulunga kwami kudlule phambi kwakho, njalo ngizamemezela ibizo lami, uThixo, phambi kwakho. Ngizakuba lesihawu kulowo engizakuba lesihawu kuye njalo ngibe lesisa kulowo engizakuba lesisa kuye.”

U-Eksodasi 6:3

Ngazibonakalisa ku-Abhrahama, ku-Isaka lakuJakhobe njengoNkulunkulu uSomandla, kodwa ngegama lami elithi Thixo kangizange ngizibonakalise kubo.

1 ImiLando 17:19

Oh Thixo. Ngenxa yenceku yakho, njalo langentando yakho, uyenzile into le enkulu, waziveza obala lezizithembiso ezinkulu kangaka.

U-Eksodasi 20:24

Ngakhelani i-alithari ngomhlabathi lenzele kulo umhlatshelo womnikelo wokutshiswa, leminikelo yobudlelwano, izimvu lembuzi kanye lenkomo zenu. Loba kungaphi lapho engizakwenza ibizo lami lihlonitshwe khona, ngizakuza kini ngilibusise.

Isambulo 15:3

behlabela ingoma kaMosi inceku kaNkulunkulu kanye lengoma yeWundlu besithi: “Mikhulu iyamangalisa imisebenzi yakho Nkosi Nkulunkulu Somandla. Zilungile njalo ziqotho izindlela zakho, Nkosi yezikhathi zonke.

1 ImiLando 29:10

UDavida wamdumisa uThixo phambi kwebandla lonke esithi: “Kawudunyiswe, Wena Thixo, Nkulunkulu ka-Israyeli ukhokho, kusukela nininini kuze kube nininini.

1 ImiLando 29:13

Siyakubonga khathesi, Nkulunkulu wethu, silidumisa ibizo lakho elilodumo.