UDutheronomi 30:16 - IBhayibhili Elingcwele LesiNdebele

¹⁶ Ngakho ngiyalilaya lamuhla ukuthi lithande uThixo uNkulunkulu wenu, lihambe ezindleleni zakhe, kanye lokugcina imilayo yakhe, izimiso lemithetho; ngalokho lizaphila lande, njalo uThixo uNkulunkulu wenu uzalibusisa elizweni eselingena kulo ukuba lilithathe libe ngelenu.

iBhayibhili Elingcwele 1978

¹⁶ Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

UDutheronomi 30:16 Referans Kwoze

UDutheronomi 30:6

UThixo uNkulunkulu wenu uzasoka inhliziyo zenu kanye lezinhliziyo zezizukulwane zenu, ukuze limthande ngezinhliziyo zenu zonke langomoya wenu wonke, liphile.

UJohane 14:21

Lowo olayo imilayo yami, ayigcine, nguye ongithandayo. Lowo ongithandayo uzathandwa nguBaba njalo lami ngizamthanda ngiziveze kuye.”

UDutheronomi 6:5

Thanda uThixo uNkulunkulu wakho ngenhliziyo yakho yonke langomphefumulo wakho wonke kanye langamandla akho wonke.

1 AbaseKhorinte 7:19

Ukusoka lokungasoki konke kuyize. Ukugcina imilayo kaNkulunkulu yikho okuqakathekileyo.

UDutheronomi 4:1

“Zwana-ke khathesi, Oh Israyeli, izimiso lemithetho engizalifundisa yona. Ilandeleni ukuze liphile njalo libe lakho ukuyalithatha lelolizwe uThixo uNkulunkulu wabokhokho benu alinika lona.

UDutheronomi 30:17

Kodwa nxa inhliziyo zenu zifulathela lingabe lisalalela ngokuzithoba, njalo lingaholelwa ekuthini likhonze abanye onkulunkulu libe selibakhonza,

UDutheronomi 30:19

Lamuhla nginxusa izulu lomhlaba ukuba ngofakazi bami ukumelana lani ngisithi sengimise phambi kwenu ukuphila lokufa, izibusiso leziqalekiso. Khathesi zikhetheleni ukuphila, ukuze kuthi lina kanye labantwabenu libe lokuphila

1 AmaKhosi 3:3

USolomoni watshengisela uthando lwakhe kuThixo ngokuhamba njengokulaya kukayise uDavida, ngaphandle nje kokuthi wanikela iminikelo watshisa impepha ezindaweni eziphakemeyo.

Izaga 3:1

Ndodana yami, ungakhohlwa imfundiso yami, kodwa ugcine imilayo yami enhliziyweni yakho,

U-Isaya 1:19

Nxa livuma njalo lilalela, lizakudla okuhle kwelizwe;

UDutheronomi 5:33

Hambani ngaleyondlela uThixo uNkulunkulu wenu alilaye ngayo, ukuze liphile liphumelele njalo lengezelele insuku zenu elizweni elizakuba ngelenu.”

UDutheronomi 32:47

Akusimazwi alula nje kini, ayikuphila kwenu. Ngala amazwi lizaphila isikhathi eside elizweni eselingena kulo lichapha uJodani ukuba lilithathe libe ngelenu.”

UJoshuwa 23:11

Ngakho-ke nanzelelani ukuthi liyamthanda uThixo uNkulunkulu wenu.