UDutheronomi 26:13 - IBhayibhili Elingcwele LesiNdebele

¹³ Tshono futhi kuThixo uNkulunkulu wakho uthi: ‘Sengikhuphile isabelo esingcwele endlini yami ngasinika umLevi, owezizweni, intandane lomfelokazi, njengokulaya kwakho. Kangeqanga imilayo yakho kumbe ukukhohlwa eminye yayo.

iBhayibhili Elingcwele 1978

¹³ uzakuthi phambi kweNkosi uNkulunkulu wakho: Sengikhuphile endlini yami okwetshumi okwahlukaniselwa wena, ngakunika lowemzini lentandane lomfelwakazi njengayo yonke imilayo yakho ongitshele yona; kangiweqanga lowodwa umlayo wakho, futhi kangiyikuyikhohlwa.

UDutheronomi 26:13 Referans Kwoze

AmaHubo 119:176

Ngiphambukile njengemvu elahlekileyo. Yidinge inceku yakho, ngoba kangikayikhohlwa imilayo yakho.

AmaHubo 119:153

Khangela ukuhawula kwami ungikhulule, ngoba kangiwukhohlwanga umthetho wakho.

AmaHubo 119:141

Loba ngingumuntukazana ngiseyiswa, angiyikhohlwa imithetho yakho.

2 AbaseKhorinte 11:31

UNkulunkulu uYise weNkosi uJesu, ozadunyiswa okungulaphakade, uyakwazi ukuthi kangiqambi manga.

2 AbaseKhorinte 1:12

Thina sizincoma ngokuthi izazela zethu ziyafakaza ukuthi siziphathe kuhle emhlabeni, ikakhulu phakathi kobudlelwano bethu lani, ngobungcwele langobuqotho obuvela kuNkulunkulu. Lokhu kasikwenzanga sigxile ekuhlakanipheni kwasemhlabeni, kodwa ngomusa kaNkulunkulu.

Imisebenzi 24:16

Ngakho ngiyazama kokuphela ukuba isazela sami sihlale sihlanzekile phambi kukaNkulunkulu laphambi kwabantu.

Izaga 3:1

Ndodana yami, ungakhohlwa imfundiso yami, kodwa ugcine imilayo yami enhliziyweni yakho,

AmaHubo 119:139

Ukutshiseka kwami kuyangicoba, ngoba izitha zami kaziwananzi amazwi akho.

AmaHubo 119:93

Kangisoze ngafa ngayilibala imithetho yakho, ngoba ngayo uyilondolozile impilo yami.

AmaHubo 26:6

Ngigeza izandla zami ngokungelacala, bese ngilizungeza i-alithari Lakho, Oh Thixo,

UDutheronomi 26:12

Kuzakuthi lapho usuqedile ukwahlukanisa okwetshumi kwaso sonke isivuno sakho ngomnyaka wesithathu, okungumnyaka wokwetshumi, wena uzakunika umLevi, owezizweni, intandane kanye lomfelokazi, ukuze badle basuthe emadolobheni akho.

UDutheronomi 14:29

yikho kuzakuthi abaLevi (bona abangelasabelo loba ilifa elingelabo) kanye labezizweni, izintandane ezingelaboyise labafelokazi abahlala emadolobheni enu beze labo bazokudla basuthe, njalo kuze kuthi uThixo uNkulunkulu wenu alibusise kuyo yonke imisebenzi yezandla zenu.”

1 AbaseThesalonika 2:10

Lingofakazi kanye loNkulunkulu bokuthi sasingcwele, silungile njalo singasoleki phakathi kwenu lina elalikholwa.

UDutheronomi 26:14

Angizange ngidle lutho lwesabelo esingcwele ngesikhathi sokulila, kumbe ukususa okunye kwakho ngesikhathi ngingongcolileyo, loba ukunikela ingxenye yakho kwabafileyo. Ngikulalele Thixo Nkulunkulu wami; ngenzile konke ongilaye khona.